നിയമസഭ കൈയ്യാങ്കളി കേസ്.... 140 എംഎല്എമാരില് ഒരാളെ പോലും സാക്ഷിയാക്കുകയോ ചോദ്യം ചെയ്യുകയോ ചെയ്തിട്ടില്ലെന്ന് മന്ത്രി വി.ശിവന്കുട്ടി
നിയമസഭ കൈയ്യാങ്കളി കേസ് തുടരന്വേഷണത്തിന് ഉത്തരവിട്ട കോടതി നടപടിയില് പ്രതികരിച്ച് മന്ത്രി വി.ശിവന്കുട്ടി. 140 എംഎല്എമാരില് ഒരാളെ പോലും സാക്ഷിയാക്കുകയോ ചോദ്യം ചെയ്യുകയോ ചെയ്തിട്ടില്ല. പരുക്കേറ്റ വനിത എംഎല്എമാരെ കേസിന്റെ ഭാഗമാക്കി മാറ്റിയിട്ടില്ല. ഈ സഹചര്യത്തിലാണ് തുടരന്വേഷണം ആവശ്യപ്പെട്ടതെന്ന് വി ശിവന്കുട്ടി വ്യക്തമാക്കി. നിയമസഭ കൈയാങ്കളി കേസില് തുടരന്വേഷണത്തിന് ഉപാധികളോടെ കോടതി അനുമതി നല്കി.
60 ദിവസത്തിനുള്ളില് അന്വേഷണം പൂര്ത്തിയാക്കണമെന്നാണ് കോടതി ആവശ്യപ്പെട്ടിരിക്കുന്നത്. തുടരന്വേഷണം അനുവദിച്ചത് തിരുവനന്തപുരം സിജിഎം കോടതിയാണ്. ഓരോ മൂന്നാഴ്ച കൂടുമ്പോഴും അന്വേഷണ പുരോഗതി അറിയിക്കണമെന്ന് തിരുവനന്തപുരം സിജെഎം കോടതി വ്യക്തമാക്കി.
തുടരന്വേഷണം നടത്തി അനുബന്ധ കുറ്റപത്രം സമര്പ്പിക്കും വരെ വിചാരണ നിര്ത്തിവെക്കണമെന്നാണ് തിരുവനന്തപുരം സിജെഎം കോടതിയില് പൊലീസ് ആവശ്യപ്പെട്ടത്. കുറ്റപത്രം സമര്പ്പിച്ച കേസില് വിചാരണ തീയ്യതി നിശ്ചയിക്കാനിരിക്കെയാണ് പൊലീസ് നീക്കം നടത്തിയത്.
മന്ത്രി ശിവന്കുട്ടി അടക്കം നിയമസഭാ കയ്യാങ്കളി കേസിലെ പ്രതികള്ക്ക് സഹായകരമായി രീതിയില് തുടരന്വേഷണം വേണമെന്നാണ് പൊലീസിന്റെ ആവശ്യം.തുടരന്വേഷണത്തിന് ഇഎസ് ബിജിമോളും ഗീതാഗോപിയും നല്കിയ ഹര്ജി അവര് തന്നെ പിന്വലിച്ചിരുന്നു.
https://www.facebook.com/Malayalivartha
