സംസ്ഥാനത്ത് 24 മണിക്കൂര് കൂടി വ്യാപകമായ മഴയ്ക്ക് സാദ്ധ്യതയെന്ന് കേന്ദ്രകാലാവസ്ഥാ വകുപ്പ്
സംസ്ഥാനത്ത് 24 മണിക്കൂര് കൂടി വ്യാപകമായ മഴയ്ക്ക് സാദ്ധ്യതയെന്ന് കേന്ദ്രകാലാവസ്ഥാ വകുപ്പിന്റെ മുന്നറിയിപ്പ്. ഒറ്റപ്പെട്ട സ്ഥലങ്ങളില് അതിശക്തമായ മഴക്കും സാദ്ധ്യതയെന്ന് മുന്നറിയിപ്പില് പറയുന്നു. മണ്സൂണ് പാത്തി അതിന്റെ സാധാരണ സ്ഥാനത്ത് നിന്നും തെക്കോട്ട് മാറി സ്ഥിതി ചെയ്യുന്നതും തെക്കന് ഗുജറാത്ത് തീരം മുതല് വടക്കന് കേരളതീരം വരെ തീരദേശ ന്യൂനമര്ദ്ദ പാത്തി നിലനില്ക്കുന്നതും പശ്ചിമബംഗാള് വടക്കന് ഒഡിഷയ്ക്ക് മുകളില് ചക്രവാതച്ചുഴി നിലനില്ക്കുന്നതുമാണ് കേരളത്തില് മഴ ശക്തമായി തുടരാന് കാരണം. ഈ സാഹചര്യത്തില് കേരളത്തില് അടുത്ത 24 മണിക്കൂര് വ്യാപകമായ മഴയ്ക്കും ഒറ്റപ്പെട്ട സ്ഥലങ്ങളില് അതിശക്തമായ മഴയ്ക്കും സാദ്ധ്യതയുണ്ടെന്നും അതിന് ശേഷം മഴയുടെ തീവ്രത കുറയാന് സാദ്ധ്യതയുണ്ടെന്നും കാലാവസ്ഥാ വകുപ്പ് അറിയിച്ചു.വരുന്ന മൂന്നുമണിക്കൂറില് കേരളത്തിലെ എല്ലാ ജില്ലകളിലും ഒറ്റപ്പെട്ടയിടങ്ങളില് മിതമായ മഴയ്ക്ക് സാദ്ധ്യതയുണ്ടെന്നും അറിയിപ്പില് പറയുന്നു.
https://www.facebook.com/Malayalivartha
