69-മത് നെഹ്റു ട്രോഫി വള്ളംകളി ഓഗസ്റ്റ് 12ന് പുന്നമടക്കായലില് നടത്താന് തീരുമാനം...
69-മത് നെഹ്റു ട്രോഫി വള്ളംകളി ഓഗസ്റ്റ് 12ന് പുന്നമടക്കായലില് നടത്താന് തീരുമാനം. ആലപ്പുഴ കളക്ടറേറ്റ് കോണ്ഫറന്സ് ഹാളില് ഇന്നലെ ചേര്ന്ന നെഹ്റു ട്രോഫി ബോട്ട് റേസ് സൊസൈറ്റി (എന്ടിബിആര്) എക്സിക്യൂട്ടീവ് കമ്മിറ്റി യോഗത്തിലാണ് ഇതുസംബന്ധിച്ച തീരുമാനമായത്.
നെഹ്റു ട്രോഫി വള്ളംകളിയും സിബിഎല്ലും ചേര്ത്ത് ഉയര്ന്നുവന്ന അഭ്യൂഹങ്ങള്ക്ക് അടിസ്ഥാനമില്ലെന്നും കഴിഞ്ഞ എക്സിക്യൂട്ടീവ് കമ്മിറ്റി തീരുമാനത്തിന്റെ അടിസ്ഥാനത്തില് തന്നെ മുന്നോട്ടുപോകാനുമാണ് യോഗം തീരുമാനം. നെഹ്റു ട്രോഫി മത്സരത്തിന് സര്ക്കാരില്നിന്ന് ലഭിച്ചു കൊണ്ടിരുന്ന ധനസഹായം ഇത്തവണയും അതേപോലെ തുടരുമെന്ന് പി പി ചിത്തരഞ്ജന് എംഎല്എ പറഞ്ഞു.
എന്ടിബിആര് സൊസൈറ്റിയുടെ ചെയര്പേഴ്സണ് കലക്ടര് ഹരിത വി കുമാറിന്റെ അധ്യക്ഷതയിലാണ് യോഗം ചേര്ന്നത്. ചടങ്ങില് 68-ാമത് നെഹ്റുട്രോഫി ബോട്ട് റേസിന്റെ സുവിനിയര് പ്രകാശനവും നടക്കുകയുണ്ടായി. വള്ളംകളി നടത്തിപ്പുമായി ബന്ധപ്പെട്ട് വിവിധ സബ്കമ്മിറ്റികള്ക്കും രൂപം നല്കി കഴിഞ്ഞു.
"
https://www.facebook.com/Malayalivartha
