കെഎസ്ആര്ടിസി അന്തര് സംസ്ഥാന സര്വീസുകളില് ഓണത്തിന് ടിക്കറ്റ് നിരക്ക് വര്ദ്ധനവുണ്ടായേക്കും....
കെഎസ്ആര്ടിസി അന്തര് സംസ്ഥാന സര്വീസുകളില് ഓണത്തിന് ടിക്കറ്റ് നിരക്ക് വര്ദ്ധനവുണ്ടായേക്കും.... ഓഗസ്റ്റ്, സെപ്റ്റംബര്, ഓക്ടോബര് മാസങ്ങളിലെ ഉത്സവ ദിവസങ്ങളില് 30 ശതമാനം വരെയാണ് ടിക്കറ്റ് നിരക്ക് വര്ദ്ധിക്കുക.
എക്സ്പ്രസ് മുതല് മുകളിലേക്കുള്ള സൂപ്പര് ഫാസ്റ്റ് ബസുകളിലാണ് കൂട്ടിയ നിരക്ക് ബാധകമാവുക. സിംഗിള് ബര്ത്ത് ടിക്കറ്റുകളുടെ നിരക്ക് അഞ്ച് ശതമാനം വര്ധനവാകും ഉണ്ടാവുക. ഉത്സവ ദിവസങ്ങള് അല്ലാത്ത ചൊവ്വ, ബുധന്, വ്യാഴം ദിവസങ്ങളില് 15 ശതമാനം നിരക്ക് കുറയും.
അതേസമയം, ട്രെയിന് ടിക്കറ്റ് നിരക്കില് 25 ശതമാനം ഇളവ് നല്കാന് റെയില്വേ തീരുമാനം. എസി ചെയര്കാര്, എക്സിക്യൂട്ടീവ് ക്ലാസ് എന്നിവയിലാണ് ഇളവ് നല്കുക. ഒരു മാസത്തിനിടെ 50 ശതമാനം സീറ്റുകള് ഒഴിവുള്ള ട്രെയിനുകള്ക്കായിരിക്കും ഇളവ് നല്കുക. ഇളവ് ഒരുമാസത്തിനകം പ്രാബല്യത്തില് വരും. വന്ദേഭാരതിന് ഉള്പ്പെടെ ഇത് ബാധകമായിരിക്കും.
യാത്രക്കാര് ഒഴിവുള്ള ട്രെയിനുകളിലായിരിക്കും ആദ്യഘട്ടത്തില് ഈ പദ്ധതി ബാധകമാകുക. ഒരുവര്ഷത്തേക്കാണ് ഇത്തരത്തിലൊരു പദ്ധതി ഇപ്പോള് പ്രഖ്യാപിച്ചിട്ടുള്ളത്. 25 ശതമാനം വരെ എസി ചെയര് കാറുകള്ക്കടക്കം നിരക്ക് കുറക്കാനുള്ള നിര്ദ്ദേശമാണ് സോണല് റെയില്വേകള്ക്ക് കേന്ദ്ര റെയില്വേ മന്ത്രാലയത്തിന്റെ നിര്ദ്ദേശമുള്ളത്.
https://www.facebook.com/Malayalivartha
