അതിദരിദ്ര കുടുംബങ്ങളിലെ കുട്ടികള്ക്ക് വിദ്യാഭ്യാസ ആവശ്യങ്ങള്ക്ക് കെ.എസ്.ആര്.ടി.സി യാത്ര സൗജന്യമാക്കും...
അതിദരിദ്ര കുടുംബങ്ങളിലെ കുട്ടികള്ക്ക് വിദ്യാഭ്യാസ ആവശ്യങ്ങള്ക്ക് കെ.എസ്.ആര്.ടി.സി യാത്ര സൗജന്യമാക്കും. അതിദാരിദ്ര്യ നിര്മാര്ജന പദ്ധതിയുമായി ബന്ധപ്പെട്ട് മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന യോഗത്തിലാണ് തീരുമാനമായത്.
10ാം തരം കഴിഞ്ഞ കുട്ടികള്ക്ക് തൊട്ടടുത്ത സ്കൂളില് പഠിക്കാന് സൗകര്യം ഏര്പ്പെടുത്തും. ഉന്നത വിദ്യാഭ്യാസ സ്കോളര്ഷിപ്, സ്റ്റൈപന്റ്, കോളജ് കാന്റീനില് സൗജന്യ ഭക്ഷണം എന്നിവ നല്കും. ഈ വിഭാഗത്തില്പെട്ട ഭിന്നശേഷിക്കാര്ക്ക് യു.ഡി ഐ.ഡി നല്കുന്നതിന് പ്രത്യേക മെഡിക്കല് ബോര്ഡ് രൂപവത്കരിക്കുകയും ചെയ്യും.
ഭൂരഹിത-ഭവനരഹിത അതിദരിദ്രര്ക്ക് ഭൂമിയും വീടും ലഭ്യമാക്കാനുള്ള നടപടി ഊര്ജിതമാക്കാന് മുഖ്യമന്ത്രി നിര്ദേശം നല്കി. കുടുംബാംഗങ്ങള്ക്ക് സ്വന്തം കാലില് നില്ക്കാനുള്ള വരുമാനമാര്ഗം കണ്ടെത്തി നല്കാനാവണം.അലഞ്ഞുതിരിയുന്ന മാനസിക പ്രശ്നമുള്ളവര്ക്ക് മെഡിക്കല് കോളജ്, ജില്ല ആശുപത്രി എന്നിവിടങ്ങളിലെ മനോരോഗ വിദഗ്ധരുടെ സേവനം നല്കണമെന്ന് മുഖ്യമന്ത്രി പറഞ്ഞു.
തദ്ദേശ വകുപ്പ് നടത്തിയ സര്വേയില് ഭക്ഷണം, ആരോഗ്യം, വരുമാനം, വീട് എന്നിങ്ങനെ പ്രധാനമായി നാല് ഘടകങ്ങള് പരിഗണിച്ചാണ് അതിദരിദ്ര കുടുംബങ്ങളെ നിര്ണയിച്ചത്.
"
https://www.facebook.com/Malayalivartha
