പൗരത്വ നിയമഭേദഗതിയെ ചോദ്യം ചെയ്തുള്ള കേസുകള് ഇന്ന് സുപ്രീംകോടതി പരിഗണനയില്...
പൗരത്വ നിയമഭേദഗതിയെ ചോദ്യം ചെയ്തുള്ള കേസുകള് ഇന്ന് സുപ്രീംകോടതി പരിഗണനയില്.... പൗരത്വനിയമത്തിന്റെ ചട്ടം വിഞ്ജാപനം ചെയ്തത് സ്റ്റേ ചെയ്യണമെന്ന് ആവശ്യപ്പെട്ടുള്ള ഹര്ജികള് ചീഫ് ജസ്റ്റീസ് അധ്യക്ഷനായ ബെഞ്ച് പരിഗണിക്കും. ആകെ 236 ഹര്ജികളാണ് സുപ്രീംകോടതിയുടെ പരിഗണയിലുള്ളത്.
മുസ്ലീം ലീഗ്, സിപിഎം സിപിഐ, ഡിവൈഎഫ്ഐ, മുന്പ്രതിപക്ഷനേതാവ് രമേശ് ചെന്നിത്തല ,വിവിധ മുസ്ലീം സംഘടനകള് എന്നിവരടക്കം ഹര്ജിക്കാരാണ്. പൗരത്വനിമയം നടപ്പാക്കില്ലെന്ന് നേരത്തെ കേന്ദ്രസര്ക്കാര് ഉറപ്പ് നല്കിയിട്ട് തിരഞ്ഞെടുപ്പ് അടുത്തിരിക്കുമ്പോള് ചട്ടം വിജ്ഞാപനം ചെയ്തതാണ് ഹര്ജിക്കാര് വാദിക്കുന്നത്.
അതേസമയം പൗരത്വ നിയമ ഭേദഗതിക്കെതിരായ പ്രതിഷേധവുമായി ബന്ധപ്പെട്ട് സംസ്ഥാനത്ത് രജിസ്റ്റര് ചെയ്ത കൂടുതല് കേസുകള് പിന്വലിക്കാന് ജില്ലാ പൊലീസ് മേധാവിമാര്ക്ക് നിര്ദ്ദേശം നല്കി സര്ക്കാര്. സംസ്ഥാനത്ത് പ്രതിഷേധവുമായി ബന്ധപ്പെട്ട് 835 കേസുകളാണ് രജിസ്റ്റര് ചെയ്തിട്ടുള്ളത്.
കേസുകള് പിന്വലിക്കുന്നത് വേഗത്തിലാക്കാനായി ജില്ലാ പൊലീസ് മേധാവിമാര്ക്ക് ആഭ്യന്തര വകുപ്പിന്റെ നിര്ദേശം നല്കിയിട്ടുണ്ട്. നേരത്തെ പിന്വലിക്കാന് ഉത്തരവിട്ട കേസുകളില് അപേക്ഷകള് കോടതിയില് എത്തിയോ എന്ന് ഉറപ്പാക്കാനും നിര്ദ്ദേശമുണ്ട്. സിഎഎ വിജ്ഞാപനം പുറത്തിറങ്ങിയ ശേഷം നിയമം കേരളത്തില് നടപ്പാക്കില്ലെന്ന് മുഖ്യമന്ത്രി പിണറായി വിജയന് പ്രഖ്യാപിച്ചിരുന്നു.
എന്നാല്, വിജ്ഞാപനത്തിനു പിന്നാലെ നടന്ന പ്രതിഷേധങ്ങള്ക്കെതിരെ ഉള്പ്പെടെ എടുത്ത നൂറുകണക്കിനു കേസുകള് പിന്വലിക്കാത്തത് പ്രതിപക്ഷം ആയുധമാക്കിയിട്ടുണ്ടായിരുന്നു.
https://www.facebook.com/Malayalivartha