ഇനിയാണ് നിര്ണായകം... ഐപിഎല്ലില് ലഖ്നൗ സൂപ്പര് ജയന്റ്സിനെ 98 റണ്സിന് തകര്ത്ത് കൊല്ക്കത്ത നൈറ്റ് റൈഡേഴ്സ്; ഐപിഎല് കപ്പ് നേടാനുള്ള സൗരവ് ഗംഗുലിയുടെ മോഹം നടക്കുമോയെന്ന് കണ്ടറിയാം; രാജസ്ഥാനെ മറികടന്ന് പോയിന്റ് പട്ടികയില് ഒന്നാം സ്ഥാനത്ത്
ഐപിഎല് മത്സരങ്ങള് കൂടുതല് ആവേശകരമായി. ഐപിഎല്ലില് ലഖ്നൗ സൂപ്പര് ജയന്റ്സിനെ 98 റണ്സിന് തകര്ത്ത് കൊല്ക്കത്ത നൈറ്റ് റൈഡേഴ്സ് പോയന്റ് പട്ടികയില് ഒന്നാമത്. ആദ്യം ബാറ്റ് ചെയ്ത് കൊല്ക്കത്ത ഉയര്ത്തിയ 236 റണ്സ് വിജയലക്ഷ്യം പിന്തുടര്ന്ന ലഖ്നൗ 16.1 ഓവറില് 137 റണ്സിന് ഓള് ഔട്ടായി. 36 റണ്സെടുത്ത മാര്ക്കസ് സ്റ്റോയ്നിസാണ് ലഖ്നൗവിന്റെ ടോപ് സ്കോറര്.
കൊല്ക്കത്തക്കായി വരുണ് ചക്രവര്ത്തിയും ഹര്ഷിത് റാണയും മൂന്ന് വിക്കറ്റ് വീതമെടുത്തപ്പോള് ആന്ദ്രെ റസല് രണ്ട് വിക്കറ്റ് വീഴ്ത്തി. ജയത്തോടെ രാജസ്ഥാന് റോയല്സിനെ മറികടന്ന് 11 കളികളില് 16 പോയന്റുമായി കൊല്ക്കത്ത പോയന്റ് പട്ടികയില് ഒന്നാം സ്ഥാനത്തേക്ക് കയറിയപ്പോള് 10 കളികളില് 16 പോയന്റുള്ള രാജസ്ഥാന് രണ്ടാമതും 12 പോയന്റുള്ള ചെന്നൈ മൂന്നാമതുമാണ്. വമ്പന് തോല്വി വഴങ്ങിയ ലഖ്നൗ 12 പോയന്റുമായി അഞ്ചാം സ്ഥാനത്തായി. ഹൈദരാബാദാണ് നാലാമത്.
സ്കോര് കൊല്ക്കത്ത നൈറ്റ് റൈഡേഴ്സ് 20 ഓവറില് 235-6, ലഖ്നൗ സൂപ്പര് ജയന്റ്സ് 16.1 ഓവറില് 137ന് ഓള് ഔട്ട്. ലഖ്നൗ ഏക്നാ സ്റ്റേഡിയത്തിലെ ഏറ്റവും വലിയ ലക്ഷ്യം പിന്തുടര്ന്ന ലഖ്നൗവിന് തുടക്കത്തിലെ ആടിതെറ്റി. ഇംപാക്ട് സബ്ബായി ഇറങ്ങിയ അര്ഷിന് കുല്ക്കര്ണി(9) രണ്ടാം ഓവറില് തന്നെ പുറത്തായി. ക്യാപ്റ്റന് കെ എല് രാഹുലും(21 പന്തില് 25), മാര്ക്കസ് സ്റ്റോയ്നിസും(21 പന്തില് 36) 7 ഓവറില് 70 റണ്സിലെത്തിച്ച് ലഖ്നൗവിന് പ്രതീക്ഷ നല്കിയെങ്കിലും ഇരുവരും പുറത്തായതോടെ പിന്നീടാര്ക്കും പിടിച്ചു നില്ക്കാനായില്ല. ദീപക് ഹൂഡ(5), നിക്കോളാസ് പുരാന്(10), ആയുഷ് ബദോനി(15), ആഷ്ടണ് ടര്ണര്(16), ക്രുനാല് പാണ്ഡ്യ(5) എന്നിവരെല്ലാം നിരാശപ്പെടുത്തിയപ്പോള് ലഖ്നൗ വമ്പന് തോല്വി വഴങ്ങി. കൊല്ക്കത്തക്കായി വരുണ് ചക്രവര്ത്തി 30 റണ്സിന് മൂന്ന് വിക്കറ്റെടുത്തപ്പോള് ഹര്ഷിത് റാണ് 24 റണ്സിന് രണ്ട് വിക്കറ്റെടുത്തു.
നേരത്തെ ടോസ് നഷ്ടമായി ആദ്യം ബാറ്റ് ചെയ്ത കൊല്ക്കത്ത ഓപ്പണര് സുനില് നരെയ്നിന്റെ വെടിക്കെട്ട് അര്ധസെഞ്ചുറി മികവില് 20 ഓവറില് ആറ് വിക്കറ്റ് നഷ്ടത്തില് 219 റണ്സെടുത്തു. നരെയ്ന് 39 പന്തില് 81 റണ്സെടുത്തപ്പോള് ഫില് സാള്ട്ട് 14 പന്തില് 32 റണ്സും അംഗ്രിഷ് രഘുവംശി 26 പന്തില് 32 റണ്സുമെടുത്ത് തിളങ്ങി. ലഖ്നൗവിനായി നവീന് ഉള് ഹഖ് രണ്ട് വിക്കറ്റെടുത്തു.
ടി20 ലോകകപ്പിനുള്ള ടീം തെരഞ്ഞെടുപ്പ് കഴിഞ്ഞതോടെ സ്ട്രൈക്ക് റേറ്റിന്റെ കാര്യത്തില് മുന് നിലപാടില് നിന്ന് മലക്കം മറിഞ്ഞ് ലഖ്നൗ സൂപ്പര് ജയന്റ്സ് നായകന് കെ എല് രാഹുല്. സ്ട്രൈക്ക് റേറ്റിനെക്കുറിച്ചുള്ള ചര്ച്ചകള് വെറുതെ ഊതിപ്പെരുപ്പിച്ചതാണെന്ന് കൊല്ക്കത്തക്കെതിരായ മത്സരത്തില് ടോസ് നേടിയ ശേഷം രാഹുല് പറഞ്ഞു.
ലോകകപ്പ് ടീം സെലക്ഷന് മുമ്പ് സ്ട്രൈക്ക് റേറ്റ് മെച്ചപ്പെട്ടതിനെക്കുറിച്ച് ചോദിച്ചപ്പോള് കഴിഞ്ഞ രണ്ട് വര്ഷത്തിനിടെ ടി20 ക്രിക്കറ്റ് ഒരുപാട് മാറിയെന്നും ഇംപാക്ട് പ്ലേയര് നിയമം തുടക്കത്തിലെ തകര്ത്തടിക്കാനുള്ള സ്വാതന്ത്ര്യം നല്കുന്നുണ്ടെന്നതാണ് തന്റെ ബാറ്റിംഗ് സമീപനം മാറാനുള്ള കാരണമായി രാഹുല് പറഞ്ഞിരുന്നത്. എന്നാല് കൊല്ക്കത്തക്കെതിരെ ടോസ് നേടിയശേഷം ഇക്കാര്യത്തെക്കുറിച്ച് അവതാരകന് ചോദിച്ചപ്പോള് സ്ട്രൈക്ക് റേറ്റിനെക്കുറിച്ചുള്ള ചര്ച്ചകള് ഊതിപ്പെരുപ്പിച്ചതാണെന്നും എല്ലാ മത്സരങ്ങളിലും 200 സ്ട്രൈക്ക് റേറ്റില് ബാറ്റ് ചെയ്യേണ്ട കാര്യമില്ലന്നും രാഹുല് പറഞ്ഞു. സാഹചര്യത്തിന് അനുസരിച്ചാണ് സ്ട്രൈക്ക് റേറ്റ് കൂട്ടുകയും കുറക്കുകയും ചെയ്യേണ്ടത്. 140 റണ്സ് ചേസ് ചെയ്യുമ്പോള് 200 സ്ട്രൈക്ക് റേറ്റില് ബാറ്റ് ചെയ്യേണ്ട കാര്യമില്ല. സാഹചര്യത്തിന് അനുസരിച്ചാണ് സ്ട്രൈക്ക് റേറ്റ് മെച്ചപ്പെടുത്തേണ്ടെന്നും രാഹുല് പറഞ്ഞു.
എന്നാല് ടി20 ക്രിക്കറ്റില് ഏറെ മാറ്റങ്ങളുണ്ടാകുന്നുണ്ടെന്നും 220 റണ്സ് പോലും ഇപ്പോള് സുരക്ഷിതമല്ലെന്നും അതുകൊണ്ടാണ് സ്ട്രൈക്ക് റേറ്റിനെക്കുറിച്ചുള്ള ചര്ച്ചകളൊക്കെ വരുന്നതെന്നും രാഹുല് പറഞ്ഞു. ലഖ്നൗവിനായി ഈ സീസണില് 10 മത്സരങ്ങളില് 406 റണ്സടിച്ച രാഹുലിന്റെ സ്ട്രൈക്ക് റേറ്റ് 142.96 മാത്രമാണ്. ഇതാണ് ലോകകപ്പ് ടീമിലെത്താനുള്ള മത്സരത്തില് രാഹുലിന് തിരിച്ചടിയായതെന്നാണ് സൂചന. വിക്കറ്റ് കീപ്പര് സ്ഥാനത്തേക്ക് രാഹുലിനൊപ്പം മത്സരിച്ച റിഷഭ് പന്തിനും സഞ്ജു സാംസണും യഥാക്രമം 158 ഉം 159 ഉം സ്ട്രൈക്ക് റേറ്റുണ്ട്. ലോകകപ്പ് ടീമിലുള്ള വിരാട് കോലിയുടെ സ്ട്രൈക്ക് റേറ്റിന്രെ കാര്യത്തിലും വലിയ ചര്ച്ചകള് നടക്കുകയും കോലി തന്നെ ഇതിന് മറുപടി നല്കുകയും ചെയ്തിരുന്നു
"
https://www.facebook.com/Malayalivartha