ഇന്നലെ രാവിലെ ആലുവ മുട്ടത്തെ യാര്‍ഡില്‍ തയാറാക്കിയിരുന്ന ടെസ്റ്റ് ട്രാക്കിലൂടെ കോച്ചുകള്‍ പരീക്ഷണ ഓട്ടം നടത്തി.മണിക്കൂറില്‍ അഞ്ച് കിലോമീറ്റര്‍ വേഗതയിലായിരുന്നു പരീക്ഷണം. ഇന്നും പരീക്ഷണ ഓട്ടം തുടരും.പാളത്തിലൂടെയുള്ള പരീക്ഷണ ഓട്ടം നാളെ മുഖ്യമന്ത്രി ഉമ്മന്‍ ചാണ്ടി ഫഌഗ് ഓഫ് ചെയ്യും. പൈലറ്റില്ലാത്ത മെട്രോയാണു കൊച്ചിക്കായി വിഭാവനം ചെയ്തിരിക്കുന്നതെങ്കിലും പൈലറ്റിനെ വച്ചായിരിക്കും പരീക്ഷണ ഓട്ടം. കോച്ചുകളിലെ ഗ്രാഫിക്‌സുകളും മറ്റും പൂര്‍ത്തിയായ പൂര്‍ണ സജ്ജമായ മെട്രോ ട്രെയിനിന്റെ ആദ്യ രൂപം നാളെ പുറത്തുവരും.

അടുത്തമാസം മുതല്‍ ആലുവയില്‍ നിന്ന് മെട്രോ ട്രാക്കിലൂടെ തുടര്‍ച്ചയായി പരീക്ഷണ ഓട്ടമുണ്ടാവും.
മാസങ്ങള്‍ നീളുന്ന പരീക്ഷണ ഓട്ടത്തിനു ശേഷമേ യാത്രാ സര്‍വീസിന് റെയില്‍വേ ബോര്‍ഡ് അനുമതി നല്‍കൂ. ആന്ധ്രയിലെ ശ്രീസിറ്റിയില്‍നിന്ന് ജനുവരി 2 നാണു മെട്രോ കോച്ചുകള്‍ കേരളത്തിലേക്കു കൊണ്ടുവന്നത്. പത്തുദിവസം റോഡ് മാര്‍ഗമുള്ള യാത്രയ്ക്കു ശേഷം 12 നു മുട്ടത്തെത്തിയ മെട്രോയുടെ മൂന്ന് കോച്ചുകള്‍ ഇവിടെവച്ചാണ് കൂട്ടിയോജിപ്പിച്ചത്. ജൂണില്‍ യാത്രാ സര്‍വീസ് തുടങ്ങുമെന്നായിരുന്നു മുന്‍ പ്രഖ്യാപനം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha