സബ്‌സ്‌ക്രിപ്‌ഷൻ അധിഷ്‌ഠിത സോഷ്യൽ മീഡിയ പ്ലാറ്റ്‌ഫോമായ ഒൺലിഫാൻസിൻ്റെ (OnlyFans) ഉടമ ലിയോനിഡ് റാഡ്വിൻസ്‌കി (43) അന്തരിച്ചു. അർബുദബാധയെത്തുടർന്ന് ദീർഘകാലമായി ചികിത്സയിലായിരുന്നു അദ്ദേഹം. കമ്പനിയാണ് മരണവാർത്ത പുറത്തുവിട്ടത്. ഇന്നലെയായിരുന്നു അന്ത്യം. അദ്ദേഹത്തിൻ്റെ വിയോഗത്തിൽ കമ്പനി ദുഃഖം രേഖപ്പെടുത്തുകയും ചെയ്തു.

യുക്രേനിയൻ-അമേരിക്കൻ ശതകോടീശ്വരനായ റാഡ്വിൻസ്‌കി, 2018-ലാണ് ഒൺലിഫാൻസിൻ്റെ മാതൃകമ്പനിയായ ഫെനിക്സ് ഇൻ്റർനാഷണൽ ലിമിറ്റഡ് സ്വന്തമാക്കിയത്. മുതിർന്നവർക്കുള്ള ഉള്ളടക്കത്തിന് (adult content) പേരുകേട്ട ഈ പ്ലാറ്റ്‌ഫോം, കോവിഡ് കാലത്താണ് ആഗോളതലത്തിൽ വലിയ ജനപ്രീതി നേടിയത്.

2024-ലെ കണക്കുകൾ പ്രകാരം 37.7 കോടിയിലധികം വരിക്കാരും 46 ലക്ഷത്തോളം ക്രിയേറ്റർമാരും ഈ സൈറ്റിലുണ്ട്. ക്രിയേറ്റർമാർക്ക് അവരുടെ വരുമാനത്തിൻ്റെ 80 ശതമാനം നൽകുന്ന രീതിയാണ് ഒൺലിഫാൻസ് പിന്തുടരുന്നത്, ബാക്കി 20 ശതമാനം കമ്പനിയെടുക്കുന്നു.