പാണക്കാട് തങ്ങൾക്കെതിരെ നടക്കുന്ന സൈബർ ആക്രമണങ്ങളിൽ രൂക്ഷമായ പ്രതികരണവുമായി പാലക്കാട് എം.എൽ.എ രാഹുൽ മാങ്കൂട്ടത്തിൽ. തോൽവി ഭയക്കുമ്പോൾ ഇടത് സൈബർ വിംഗുകൾ ഇറക്കുന്ന ഇത്തരം 'ഉഡായിപ്പുകൾക്ക്' കേരളം മുഖമടച്ച് മറുപടി നൽകുമെന്ന് അദ്ദേഹം പറഞ്ഞു. മുൻപ് ചർച്ചയായ 'കാഫിർ സ്ക്രീൻഷോട്ട്' വിവാദത്തിന് സമാനമായ നീക്കമാണിതെന്ന് ആരോപിച്ച രാഹുൽ, മതേതര കേരളത്തിന്റെ നായകൻ പാണക്കാട് തങ്ങളെ വ്യക്തിഹത്യ ചെയ്യുന്നത് ഹീനമായ നടപടിയാണെന്നും കൂട്ടിച്ചേർത്തു. പത്ത് വർഷം ഭരിച്ചിട്ടും വികസനത്തിന് പകരം ഇത്തരം തരംതാഴ്ന്ന ആരോപണങ്ങളാണോ സർക്കാരിന് പറയാനുള്ളതെന്ന് അദ്ദേഹം ഫേസ്‌ബുക്കിലൂടെ ചോദിച്ചു...