വഴക്കിനിടെ ഭര്‍ത്താവിന്റെ കൈയില്‍ നിന്നും കറിയുടെ ചാറ് ഭാര്യയുടെ കണ്ണില്‍ വീണു. സങ്കടവും ദേഷ്യവും സഹിയ്ക്കാനാകാതെ ഭാര്യ കിണറ്റില്‍ ചാടി. ഞാണ്ടൂര്‍ക്കോണം ഭഗവതിപുരം കീഴതില്‍ വീട്ടില്‍ വാടകയ്ക്ക് താമസിക്കുന്ന പട്ടം മുറിഞ്ഞപാലം തോട്ടുവരമ്പില്‍ ഷീജു-ഷീജ ദമ്പതികളുടെ മകള്‍ അര്‍ച്ചന(20) കിണറ്റിലേക്കുള്ള വീഴ്ചയില്‍ മരിക്കുകയും ചെയ്തു.

അര്‍ച്ചനയും ഭര്‍ത്താവ് വിഷ്ണു(24)വും തമ്മില്‍ വഴക്കിടുകയും ഈ സമയം വിഷ്ണുവിന്റെ കൈയില്‍ പറ്റിയിരുന്ന ചാറ് അര്‍ച്ചനയുടെ കണ്ണില്‍ തെറിക്കുകയായിരുന്നു. സങ്കടത്തില്‍ അര്‍ച്ചന കിണറ്റില്‍ ചാടി. പിന്നാലെ വിഷ്ണുവും ഇതേ കിണറ്റില്‍ ചാടി. ഇരുവരേയും രക്ഷിയ്ക്കാന്‍ പിന്നാലെ അയല്‍ക്കാരനും ചാടി. അര്‍ച്ചന മരിയ്ക്കുകയും മറ്റ് രണ്ട് പേരും ഗുരുതരമായ പരിക്കുകളോടെ ആശുപത്രിയിലാവുകയും ചെയ്തു.

ഞായറാഴ്ച വൈകുന്നേരം നാല് മണിയോടെയാണ് സംഭവം നടന്നത്. മൂന്ന് മണിക്ക് വീട്ടിലെത്തിയ വിഷ്ണു അര്‍ച്ചനയുമായി വഴക്കിടുകയായിരുന്നു. ഭക്ഷണം കഴിക്കുന്നതിനിടെ ദേഷ്യപ്പെട്ട വിഷ്ണു കൈകുടയുകയും കൈയില്‍ പറ്റിയിരുന്ന കറിയുടെ ചാറ് അര്‍ച്ചനയുടെ കണ്ണില്‍ തെറിക്കുകയുമായിരുന്നു. ഇതോടെ വഴക്ക് രൂക്ഷമായി. സങ്കടവും ദേഷ്യവും സഹിക്കാനാവാതെ അര്‍ച്ചന 60 അടി താഴ്ചയുള്ള കിറിലേക്ക് ചാടി. ഇത് കണ്ട് വിഷ്ണു പിന്നാലെ ചാടി. ഇവരെ രക്ഷിക്കാന്‍ വിവരമറിഞ്ഞെത്തിയ വിഷ്ണുവിന്റെ സുഹൃത്തായ അയല്‍ക്കാരനായ അഭിജിത്തും പിന്നാലെ ചാടി.

തുടര്‍ന്ന് സംഭവം അഗ്‌നിശമനസേനയെ അറിയിക്കുകയും അഗ്‌നിശമനസേന എത്തി മൂവരെയും പുറത്തെടുക്കുകയും ചെയ്തു. ഈ സമയം അര്‍ച്ചന മരിച്ചിരുന്നു. വിഷ്ണുവിനെയും അഭിജിത്തിനെയും ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചു. രണ്ട് വര്‍ഷം മുമ്പാണ് വിഷ്ണുവും ആര്യയും വിവാഹിതരായത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha