വിജയനുണ്ടേല് വി.എസ് മത്സരിക്കാനില്ല, കേന്ദ്രനേതൃത്വത്തെ കുഴപ്പിച്ച് വി. എസ്
വരുന്ന നിയമസഭാ തെരഞ്ഞെടുപ്പില് ഇടത് മുന്നണിയെ ആര് നയിക്കുമെന്ന കാര്യത്തില് തീരുമാനമാകതെ വിഷമിക്കുമ്പോള് പുതിയ തലവേദനയുമായി വി.എസ് അച്യുതാനന്ദന് രംഗത്ത്. പിണറായി വിജയന് നിയമസഭയിലേക്ക് മത്സരിക്കുന്നുണ്ടേല് താന് മത്സരരംഗത്ത് നിന്ന് പിന്മാറുമെന്ന് കേന്ദ്രനേതൃത്വത്തെ അറിയിച്ച് വി.എസ് അച്യുതാനന്ദന്. വിവാദങ്ങളില് പൂണ്ട് കിടക്കുന്ന കോണ്ഗ്രസില് നിന്ന് ഭരണം തട്ടിയെടുക്കാനായിട്ടുള്ള അനുവാര്യമായിട്ടുള്ള മൗനത്തിന്റെ ഭാഗമായിട്ടാണ് വി.എസ് ഇപ്പോള് പിണറായിക്കും പാര്ട്ടിക്കുമെതിരെ മൗനം പാലിക്കുന്നത്. ലാവ്ലിന് കേസ് മുറുകുന്നതില് വി. എസിനും പങ്കുണ്ടെന്നാണ് പാര്ട്ടിക്കുള്ളിലെ തന്നെ സംസാരം. പിണറായിയെ മുഖ്യമന്ത്രി സ്ഥാനാര്ത്ഥിത്വത്തില് നിന്നും മാറ്റി നിര്ത്താനാണ് വി.എസ് ശ്രമിക്കുന്നത് എന്നാല് ഇപ്പോള് നവകേരള മാര്ച്ച് നയിക്കുന്ന പിണറായി വിജയന് യാത്ര അവസാനിക്കുന്നതോടെ മുഖ്യമന്ത്രി സ്ഥാനാര്ത്ഥിയായി അവരോധിക്കപ്പെടുമെന്ന പ്രതീക്ഷയിലുമാണ്. ഇതിന് തടയിടുന്നതിനായിട്ടാണ് വി.എസ് സ്ഥാനാര്ത്ഥിത്വത്തില് നിന്നുമൊഴിയുമെന്ന് പറഞ്ഞ് കേന്ദ്ര നേതൃത്വത്തെ കുഴപ്പിക്കുന്നത്.
ഇത്തവണയും തെരഞ്ഞെുടുപ്പില് ഇടതുമുന്നണിയെ വി എസ് അച്യുതാനന്ദന് നയിക്കുമെന്ന് ഏകദേശം ഉറപ്പാവുന്ന സാഹചര്യത്തിലാണ് പുതിയ വിവാദം. വെള്ളിയാഴ്ച ഡല്ഹിയില് ചേര്ന്ന സിപിഐ(എം) അവയിലബിള് പോളിറ്റ്ബ്യൂറോ യോഗം വിവിധ സംസ്ഥാനങ്ങളിലെ രാഷ്ട്രീയ സാഹചര്യങ്ങള് വിലയിരുത്തിയപ്പോഴും വി.എസിന്റെ പേര് സജീവമായിരുന്നു. കേരളത്തിലെയും ബംഗാളിലെയും തെരഞ്ഞെടുപ്പു വിഷയങ്ങള് ആലോചിക്കാന് ഈമാസം 16ന് സിപിഐ(എം) പി.ബിയും 17ന് കേന്ദ്രകമ്മറ്റിയും ചേരുന്നുണ്ട്.ഇതിന് മുന്നോടിയായി നടന്ന ചര്ച്ചകളിലാണ്, ബംഗാളില് നിന്നടക്കം വി.എസിന്റെ പേര് ഉയര്ന്നുവന്നത്.
ഒരിക്കല്കൂടി വി.എസിന് സീറ്റ് നിഷേധിച്ചതുമായി ബന്ധപ്പെട്ട വിവാദങ്ങള് ഉണ്ടായാല് അത് ദേശീയതലത്തില് തന്നെ പാര്ട്ടിയുടെ പ്രതിഛായയെ ബാധിക്കുമെന്ന് കേന്ദ്രനേതൃത്വം കരുതുന്നു.കേരളത്തില് ശക്തമായ ഭരണവിരുദ്ധ വികാരം നിലനില്ക്കുന്ന സാഹചര്യത്തില് നിഷേധവോട്ടുകളില് ഒരു ഭാഗം ബിജെപിയിലേക്ക് മാറാതിരക്കാന് വി.എസിനെപ്പോലൊരു ശക്തനായ നേതാവിന്റെ സാന്നിധ്യം വേണമെന്ന അഭിപ്രായത്തിലാണ് പാര്ട്ടി ജനറല് സെക്രട്ടറി സീതാറാം യെച്ചൂരി അടക്കമുള്ളവര്.എല്.ഡി.എഫിലാകട്ടെ സിപിഐ അടക്കണുള്ള ഘടക കക്ഷികളും വി.എസിനായി രംഗത്തത്തെിയിട്ടുണ്ട്.
അതേസമയം മുഖ്യമന്ത്രി സ്ഥാനാര്ത്ഥി ആരാണെന്ന് മുന്കൂട്ടി പ്രഖ്യാപിക്കുകയുമില്ല. പാര്ട്ടി പി.ബി അംഗം പിണറായി വിജയനും ഇത്തവണ തെരഞ്ഞെടുപ്പില് മല്സരിക്കുമെന്നാണ് അറിയുന്നത്. കേരളത്തിലെ സംസ്ഥാന നേതൃത്വം ഒറ്റക്കെട്ടായി ഇത്തവണ പിണറായിക്കുവേണ്ടി രംഗത്തത്തെിയിട്ടുണ്ട്. എന്നാല് മുന്കാലങ്ങളിലെന്നപോലെ വി എസ് മല്സരിക്കുന്നത് ഇത്തവണ എതിര്ക്കേണ്ടതില്ലെന്ന നിലപാടിലാണ് കേരളത്തിലെ നേതാക്കള്.പാര്ട്ടിയില് ഏതാണ്ട് സമ്പുര്ണ്ണമായി ഐക്യവന്നതിന്റെ ഗുണം ഇത്തവണത്തെ തദ്ദേശ തെരഞ്ഞെടുപ്പില് ഉണ്ടായെന്ന വിലയിരുത്തലിലാണ് സിപിഐ(എം) സംസ്ഥാന നേതൃത്വത്തിന് ഉള്ളത്.
വി എസ് മത്സരിക്കുന്നതിനോട് പിണറായി വിജയന് താല്പ്പര്യമില്ല. എന്നാല് വി എസ് മത്സരിക്കണമെന്ന അഭിപ്രായക്കാരാണ് കൂടുതല്. വി എസ്. അച്യുതാനന്ദനു തെരഞ്ഞെടുപ്പില് മല്സരിക്കാന് പ്രായം തടസ്സമല്ലെന്ന് സിപിഐ(എം) സംസ്ഥാന സെക്രട്ടറി കോടിയേരി ബാലകൃഷ്ണന് നേരത്തെ വിശദീകരിച്ചിരുന്നു. ഇക്കാര്യത്തില് സിപിഐ(എം) ജനറല് സെക്രട്ടറി സീതാറാം യച്ചൂരിയുടെ നിലപാടാണ് തനിക്കുമെന്നാണ് കോടിയേരിയുടെനിലപാട്.
മുഖ്യമന്ത്രി സ്ഥാനാര്ത്ഥിയായി പിണറായിയെ ഉയര്ത്തിക്കാട്ടുന്നത് സിപിഐ(എം) വിജയത്തെ ബാധിക്കുമെന്ന വിലയിരുത്തലുണ്ട്. ഈ സാഹചര്യത്തിലാണ് പാര്ട്ടി വിഎസിനെയും രംഗത്തിറക്കാന് ആലോചിക്കുന്നത്. അതിനിടെ വിഎസും പാര്ട്ടി വിരുദ്ധ പ്രസ്താവനകള് നിറുത്തി നേതൃത്വവുമായി സഹകരിക്കുകയും ചെയ്തു. വിവാദങ്ങളില് ചെന്ന് ചാടാതെയുള്ള വിഎസിന്റെ നീക്കം മത്സരം ഒരുക്കാനെന്നായിരുന്നു വിലയിരുത്തല്. അതിനിടെ പിണറായിയെ കുറ്റപ്പെടുത്താത്ത പ്രതികരണങ്ങളുമുണ്ടായി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
