ഉരുള്പൊട്ടല് ദുരന്തബാധിതര്ക്ക് ആദ്യഘട്ട വീടുകള് ഫെബ്രുവരിയില് കൈമാറുമെന്ന് മന്ത്രി കെ രാജന്
വയനാട് മുണ്ടക്കൈ ഉരുള്പൊട്ടല് ദുരന്തബാധിതര്ക്ക് ആദ്യഘട്ട വീടുകള് ഫെബ്രുവരിയില് കൈമാറുമെന്ന് മന്ത്രി കെ രാജന്. ദുരന്തബാധിതര്ക്ക് താമസിക്കാന് സജ്ജമായിട്ടായിരിക്കും വീടുകള് കൈമാറുകയെന്ന് അദ്ദേഹം മാധ്യമങ്ങളോട് പ്രതികരിച്ചു. അന്തിമ പട്ടികയായിട്ടില്ല. അപ്പീലുകള് പരിഗണനയിലാണുള്ളതെന്ന് അദ്ദേഹം പറഞ്ഞു.
അതേസമയം, ചെറുവള്ളി എസ്റ്റേറ്റ് ഉടമസ്ഥ അവകാശം സംബന്ധിച്ച കേസില് സര്ക്കാരിന്റെ ഹര്ജി തള്ളിയതിലും അദ്ദേഹം പ്രതികരിച്ചു. ചെറുവള്ളി എസ്റ്റേറ്റിലെ കോടതിവിധി തിരിച്ചടിയല്ല. നടപടി ക്രമങ്ങളിലുണ്ടായ വീഴ്ചയാണെന്ന് അദ്ദേഹം പറഞ്ഞു. ഭൂമിയുടെ അവകാശവാദമല്ല, ഉണ്ടായത് നടപടിക്രമങ്ങളിലെ വീഴ്ചയാണെന്ന് അദ്ദേഹം പറഞ്ഞു.
പാലാ കോടതിയാണ് ഹര്ജി തളളിയത്. നിര്ദിഷ്ട ശബരിമല വിമാനത്താവളത്തിന് സര്ക്കാര് കണ്ടെത്തിയ ഭൂമിയിലാണ് അവകാശ തര്ക്കമുണ്ടായിരുന്നത്.
എരുമേലി സൗത്ത്, മണിമല വില്ലേജുകളിലായി 2263 ഏക്കര് ഭൂമിയിലാണ് സര്ക്കാര് അവകാശം ഉന്നയിച്ചത്. ബിലിവേഴ്സ് സഭയുടെ അയന ചാരിറ്റബിള് ട്രസ്റ്റ്, ഹാരിസണ് മലയാളം എന്നിലരണ് എതിര്കക്ഷികളായി ഉണ്ടായിരുന്നത്.
https://www.facebook.com/Malayalivartha
