സംസ്ഥാനത്തെ മന്ത്രിമാര്‍ക്ക് ഔദ്യോഗിക മന്ദിരങ്ങള്‍ ആയി. 20 മന്ത്രിമാര്‍ക്കാണ് ഔദ്യോഗിക വസതികള്‍ അനുവദിച്ച് ഉത്തരവിറക്കിയിരിക്കുന്നത്. 21 മന്ത്രിമാര്‍ ഉണ്ടെങ്കിലും 20 മന്ദിരങ്ങളാണ് ഉള്ളത്. അനൂപ് ജേക്കബിന് വാടകയ്ക്കു വീട് എടുത്തു നല്‍കുമെന്നും ഉത്തരവില്‍ പറയുന്നു.

മന്ത്രിമാരുടെ ഔദ്യോഗിക വസതികളുടെ വാര്‍ഷിക അറ്റകുറ്റപ്പണിക്ക് 3.95 കോടിയുടെ ഭരണാനുമതി നല്‍കിയിരുന്നു. മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസിന്റെ അറ്റകുറ്റപ്പണിക്ക് 1.35 കോടിയുടെ എസ്റ്റിമേറ്റ് തയാറാക്കിയെങ്കിലും വന്‍ തുക ചെലവഴിച്ചുള്ള നിര്‍മാണം വേണ്ടെന്ന് മുഖ്യമന്ത്രി നിലപാടെടുത്തതോടെ പൊതുമരാമത്ത് കെട്ടിട വിഭാഗം പുതുക്കിയ എസ്റ്റിമേറ്റ് തയാറാക്കുകയാണ്.

ഏറ്റവും കൂടുതല്‍ തുക ചെലവഴിച്ച് മോടിയാക്കുന്നത് മന്‍മോഹന്‍ ബംഗ്ലാവ് ആണ് 81.06 ലക്ഷം. നെസ്റ്റ് 40.67 ലക്ഷം, ഉഷസ്സ് 40.03 ലക്ഷം, പെരിയാര്‍ 31.26 ലക്ഷം, പൗര്‍ണമി 40.81 ലക്ഷം, പമ്പ 31.43 ലക്ഷം, കവടിയാര്‍ ഹൗസ് 40.06 ലക്ഷം, ഗംഗ 31.53 ലക്ഷം, അജന്ത 58.74 ലക്ഷം രൂപ ചെലവഴിച്ചാണ് മറ്റു വസതികള്‍ മോടിയാക്കുന്നത്.

മന്ത്രിമാരുടെ ഔദ്യോഗിക വസതി

രമേശ് ചെന്നിത്തല- പമ്പ

സണ്ണി ജോസഫ് -അശോക

കെ.മുരളീധരന്‍ -സാനഡു

എം.പി.അനില്‍കുമാര്‍ -കാവേരി

പി.സി.വിഷ്ണുനാഥ് -നിള

എം.ലിജു -അജന്ത

റോജി എം. ജോണ്‍ -ഗ്രേസ്

ടി.സിദ്ദിഖ് -ഗംഗ

ബിന്ദു കൃഷ്ണ -തൈക്കാട് ഹൗസ്

കെ.എ.തുളസി -പ്രശാന്ത്

ഒ.ജെ.ജനീഷ് -മന്‍മോഹന്‍ ബംഗ്ലാവ്

പി.കെ.കുഞ്ഞാലിക്കുട്ടി -ലൈന്ത്രസ്റ്റ്

എന്‍.ഷംസുദീന്‍ -നെസ്റ്റ്

കെ.എം.ഷാജി -പൗര്‍ണമി

പി.കെ.ബഷീര്‍ – ഉഷസ്

വി.ഇ.അബ്ദുള്‍ ഗഫൂര്‍ -കവടിയാര്‍ ഹൗസ്

ഷിബു ബേബി ജോണ്‍ -എസ്സെന്‍ഡേന്‍

സി.പി.ജോണ്‍ -റോസ് ഹൗസ്

മോന്‍സ് ജോസഫ് -പെരിയാര്‍