സില്വര്ലൈന് പദ്ധതി യുഡിഎഫ് സര്ക്കാര് റദ്ദാക്കുമെന്ന് മുഖ്യമന്ത്രി വി.ഡി. സതീശന്
കഴിഞ്ഞ പിണറായി സര്ക്കാര് കൊണ്ടുവന്ന വിവാദ സില്വര്ലൈന് (കെറെയില്) പദ്ധതി ഔദ്യോഗികമായി റദ്ദാക്കുമെന്ന് മുഖ്യമന്ത്രി വി.ഡി. സതീശന് പ്രഖ്യാപിച്ചു. പദ്ധതിയുടെ ഭാഗമായി സംസ്ഥാനത്തിന്റെ വിവിധ ഭാഗങ്ങളില് സ്ഥാപിച്ച മഞ്ഞക്കുറ്റികള് അടിയന്തരമായി മാറ്റാന് റവന്യൂ വകുപ്പിന് മുഖ്യമന്ത്രി നിര്ദ്ദേശം നല്കി.
സില്വര് ലൈന് സമരത്തിലെ കേസുകള് റദ്ദാക്കുമെന്നും ഇക്കാര്യം ചൂണ്ടിക്കാട്ടി കോടതിക്ക് ശുപാര്ശ ചെയ്യുമെന്നും വി.ഡി. സതീശന് വ്യക്തമാക്കും. ഭൂമി ഏറ്റെടുക്കല് വിജ്ഞാപനം റദ്ദാക്കണം, മഞ്ഞക്കുറ്റികള് മാറ്റണം, കേസുകള് റദ്ദാക്കണം, അറസ്റ്റിലായവര്ക്ക് നഷ്ടപരിഹാരം നല്കണം എന്നീ ആവശ്യങ്ങള് ഉന്നയിച്ച് സില്വര് ലൈന് വിരുദ്ധ സമരസമിതി മുഖ്യമന്ത്രി നിവേദനം നല്കിയിരുന്നു.
പിണറായി സര്ക്കാരിന്റെ സ്വപ്ന പദ്ധതികളില് ഒന്നായിരുന്നു സില്വര്ലൈന് (കെറെയില്) പദ്ധതി. കേരളത്തിന്റെ തെക്കേ അറ്റത്തുനിന്ന് വടക്കേ അറ്റത്തേക്ക് യാത്രാസമയം നാലു മണിക്കൂറായി ചുരുക്കാന് ലക്ഷ്യമിട്ട് ആസൂത്രണം ചെയ്ത അര്ധഅതിവേഗ റെയില്വേ പദ്ധതിയായിരുന്നു ഇത്. 529.45 കിലോമീറ്ററാണ് പദ്ധതിക്കായുള്ള പാത നിശ്ചയിച്ചിരുന്നത്. തിരുവനന്തപുരം, കൊല്ലം, ചെങ്ങന്നൂര്, കോട്ടയം, എറണാകുളം, തൃശൂര്, തിരൂര്, കോഴിക്കോട്, കണ്ണൂര്, കാസര്ഗോഡ് ഉള്പ്പെടെ 11 ജില്ലകളിലൂടെയാണ് പാത കടന്നുപോകുന്നത്. മണിക്കൂറില് 200 കിലോമീറ്റര് വേഗതയില് സഞ്ചരിക്കും. പദ്ധതി നടപ്പിലാകുന്നതോടെ ഗതാഗതക്കുരുക്ക് ഗണ്യമായി കുറയ്ക്കാനും യാത്രക്കാര്ക്ക് യാത്ര വേഗത്തിലാക്കാനും കഴിയുമെന്ന് സര്ക്കാര് അവകാശപ്പെട്ടിരുന്നു.
https://www.facebook.com/Malayalivartha
