മക്കള്‍ കണ്ടവരുടെ ജീവിതം തകര്‍ത്തെറിഞ്ഞിട്ട് ഈ കണ്ണീരിന് ഇന്ന് പ്രസക്തിയില്ല ; വിമര്‍ശനവുമായി ശശികല
നെടുമ്പാശ്ശേരി മിനി കൂപ്പര്‍ അപകടത്തില്‍ മൂന്ന് പേര്‍ മരിക്കാനിടയാക്കിയ സംഭവത്തില്‍ മരിച്ചവരുടെ കുടുംബങ്ങള്‍ക്ക് പൂര്‍ണ പിന്തുണ നല്‍കുമെന്നറിയിച്ച് ഒന്നാംപ്രതി സുഹൈല്‍ സജീവിന്റെ മാതാവ് നൂഹാ സജീവ് കഴിഞ്ഞദിവസം രംഗത്തെത്തിയിരുന്നു. ഇന്‍സ്റ്റഗ്രാം വീഡിയോയിലൂടെയായിരുന്നു പ്രതികരണം. ആലപ്പുഴയിലും കൊച്ചിയിലുമുള്ള പ്രമുഖ വസ്ത്രവ്യാപാര സ്ഥാപനമായ ഇഹ ഡിസൈന്‍സിന്റെ ഉടമ കൂടിയാണ് നൂഹാ. ഇപ്പോഴിതാ നൂഹക്കെതിരെ വിമര്‍ശനമുയര്‍ത്തിയിരിക്കുകയാണ് ഹിന്ദു ഐക്യവേദി നേതാവ് ശശികല. ഫേസ്ബുക്ക് പോസ്റ്റിലൂടെയാണ് വിമര്‍ശനം.
പോസ്റ്റിന്റെ പൂര്‍ണ രൂപം
ഈ കണ്ണീര് നമ്മള്‍ കാണണം
കണ്ടിട്ടും കണ്ടില്ല എന്ന നടിക്കരുത്
ആ കണ്ണീര് നമ്മുടെ ഉള്ളുലക്കണം?
കണ്ട ബാറില്‍ മുഴുവന്‍ കയറി പള്ള നിറയെ കുടിച്ച് റോക്കറ്റ് വേഗതയില്‍ മക്കള്‍ ഊരു ചുറ്റുന്ന കഥ അറിയാതെ പോകുന്ന അമ്മമാര്‍ നാളെക്കായി കരുതിവയ്‌ക്കേണ്ട കണ്ണീരാണിത്?
വിജയകരമായി 18 വയസുവരെ ജീവിച്ചതിന് മിനി കൂപ്പര്‍ സമ്മാനമായി നല്‍കുമ്പോള്‍ ഈ മകന്‍ ഇങ്ങനെ ഒരു മദ്യപാനിയാണ് എന്ന് ആ അമ്മ അറിഞ്ഞിരുന്നില്ല!!!!!
അറിഞ്ഞിരുന്നെങ്കില്‍
അതിനു കൂടി കൊടുത്ത സമ്മാനമായിരുന്നു മിനി കൂപ്പര്‍!!
അനുവദി'ക്കപ്പെട്ടതിന്റെ
അഞ്ചിരട്ടി മദ്യവും അനുവദിക്കപ്പെട്ടതിന്റെ
ഇരട്ടിയിലധികം സ്പീഡുമായി
മക്കള്‍ കണ്ടവരുടെ ജീവിതം തകര്‍ത്തെറിഞ്ഞിട്ട്
ഈ കണ്ണീരിന് ഇന്ന് പ്രസക്തിയില്ല!
മക്കള്‍ മദ്യപിക്കുമ്പോള്‍
നിയമലംഘനം നടത്തുമ്പോള്‍
സാമം ദാനം ഭേദം ദണ്ഡം
ഒന്നും ഫലിക്കുന്നില്ല എങ്കില്‍
സ്‌നേഹത്തോടെ അവരുടെ മുന്നില്‍ ഒരിത്തിരി കണ്ണീരൊഴുക്കിയെങ്കിലും അവരെ പിന്തിരിപ്പിക്കാന്‍ ഒരു ശ്രമം നടത്തി നോക്കാത്തവര്‍ക്ക് മാതാവ് എന്ന് അവകാശപ്പെടാന്‍ കഴിയുമോ?
മക്കള്‍ക്ക് വേണ്ടതെല്ലാം വാങ്ങി കൊടുക്കുന്നത് മാത്രമല്ല പാരന്റിംഗ്
എന്ന് മനസിലാക്കാത്ത അമ്മമാരുടെ പ്രതിനിധിയാണിവര്‍!
ചിലപ്പോള്‍ ചില പ്രത്യേക സ്വഭാവമുള്ള മക്കളെ ഒരുതരത്തിലും നിയന്ത്രിക്കാന്‍ മാതാപിതാക്കള്‍ക്ക് കഴിഞ്ഞു എന്ന് വരില്ല!
അത്തരം സന്ദര്‍ഭങ്ങളില്‍ അവരെ ചികിത്സിക്കാന്‍ എങ്കിലും ഉള്ള ഉത്തരവാദിത്തം മാതാപിതാക്കള്‍ക്ക് ഇല്ലേ?
ലഹരി വിമുക്ത കേന്ദ്രത്തിലെങ്കിലും
ഈ മകനെ എത്തിക്കാത്തത് മാതാപിതാക്കള്‍ അവരവരോടും ആ കുട്ടിയോടും സമൂഹത്തോടും ചെയ്ത ചതിയാണ്!
ഹായ് ഗയ്‌സ് !!
അല്ലെങ്കില്‍ സുഹൃത്തുക്കളെ എന്നൊക്കെ പറഞ്ഞു ഇവരൊക്കെ ക്യാമറയ്ക്ക് മുന്നില്‍ നടത്തുന്ന അഭിനയത്തില്‍ ഇവര്‍ ജീവിതം മറക്കുന്നു എന്നതാണ് സത്യം
https://www.facebook.com/Malayalivartha
