ത്രികോണ മത്സരം നടക്കുന്ന തിരുവനന്തപുരത്തെ മൂന്ന് മണ്ഡലങ്ങളിലും മെച്ചപ്പെട്ട പോളിംഗ്. നിലവില്‍ സംസ്ഥാനത്തെ ഏറ്റവും കുറഞ്ഞ പോളിംഗ് ശതമാനം തിരുവനന്തപുരം ജില്ലയിലാണ്. എന്നാല്‍ ജില്ലയില്‍ ശക്തമായ മത്സരം നടക്കുന്ന കഴക്കൂട്ടം,നേമം,വട്ടിയൂര്‍ക്കാവ് മണ്ഡലങ്ങളില്‍ മെച്ചപ്പെട്ട പോളിംഗാണ് ഇതുവരെ രേഖപ്പെടുത്തിയത്. 2011 നിയമസഭാ തിരഞ്ഞെടുപ്പില്‍ 66.87 ശതമാനം വോട്ട് പോള്‍ ചെയ്ത കഴക്കൂട്ടത്ത് ഇന്ന് ഉച്ചയ്ക്ക് 12.30 വരെ 38 ശതമാനം വോട്ട് രേഖപ്പെടുത്തിയെന്നാണ് അനൗദ്യോഗിക കണക്ക്. വട്ടിയൂര്‍ക്കാവില്‍ 36.45 ശതമാനവും (2011ല്‍ 63.88), നേമത്ത് 34.4 ശതമാനവും (2011ല്‍ 67.49) വോട്ട് രേഖപ്പെടുത്തിയിട്ടുണ്ട്. സാധാരണ ഉച്ചവരെ മന്ദഗതിയിലുള്ള വോട്ടിംഗാണ് തിരുവനന്തപുരത്ത് രേഖപ്പെടുത്താറുളളതെങ്കിലും ശക്തമായ ത്രികോണ മത്സരം നടക്കുന്ന മണ്ഡലങ്ങളിലെല്ലാം ഉച്ചയോടെ നാല്‍പ്പത് ശതമാനം വോട്ടെങ്കിലും പെട്ടിയിലാവും എന്നാണ് കരുതുന്നത്. കഴിഞ്ഞ ലോക്‌സഭാ തിരഞ്ഞെടുപ്പില്‍ സംസ്ഥാനത്ത് ഏറ്റവും കുറഞ്ഞ പോളിംഗ് ശതമാനം രേഖപ്പെടുത്തിയ (68 ശതമാനം) തിരുവനന്തപുരം ജില്ലയിലാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha