കാര്ഡുകള് ഇറക്കി കളി തുടങ്ങി... ലക്ഷങ്ങളായിരുന്നു മുന് സ്പീക്കര് ശക്തന്റെ യാത്രാച്ചെലവ്; പ്രതിമാസം ഒരുലക്ഷം രൂപയുടെ വ്യാജബില് ഉണ്ടാക്കി സമര്പ്പിക്കും
മുന് സ്പീക്കര് എന് ശക്തനെതിരെ വിജിലന്സ് അന്വേഷണത്തിന് ഉത്തരവിട്ടു. വ്യാജബില് ഉണ്ടാക്കി ലക്ഷങ്ങള് കൈപ്പറ്റിയെന്നാണ് ശക്തനെതിരെയുള്ള കേസ്. യാത്രച്ചെലവ് ഇനത്തില് ശക്തന് വ്യാജരേഖകള് സമര്പ്പിച്ചാണ് സര്ക്കാരില് നിന്ന് ലക്ഷങ്ങള് കൈപ്പറ്റിയത്.
ഇതു സംബന്ധിച്ച് ദ്രുതപരിശോധന റിപ്പോര്ട്ട് സമര്പ്പിക്കാന് വിജിലന്സ് ഡയറക്ടര് ഡോ. ജേക്കബ് തോമസ് ഉത്തരവിട്ടതായിട്ടാണ് റിപ്പോര്ട്ട്. യുഡിഎഫ് മന്ത്രിസഭയുടെ കാലത്ത് ഡെപ്യൂട്ടി സ്പീക്കര്, സ്പീക്കര് പദവികളിലിരിക്കേ ശക്തന് പ്രതിമാസം ശരാശരി ഒരുലക്ഷം രൂപ ലഭിക്കത്തക്കവിധം വ്യാജബില് സമര്പ്പിക്കുകയായിരുന്നുവെന്നാണ് ആരോപണം. എന്നാല് യാത്രാപ്പടി വാങ്ങിയതല്ലാതെ, പലയിടങ്ങളിലും അദ്ദേഹം പോകുകയുണ്ടായില്ലെന്നും ഇപ്രകാരം ഒരേദിവസം പലയിടങ്ങളില് പോയെന്നവകാശപ്പെട്ട് ബില് സമര്പ്പിക്കുകയായിരുന്നുവെന്നാണ് സൂചനകള്.
സ്പീക്കറും ഡെപ്യൂട്ടി സ്പീക്കറും മന്ത്രിമാരും ഉള്പ്പെടെയുള്ള വിവിഐപികളുടെ യാത്രാവിവരങ്ങള് സ്പെഷല് ബ്രാഞ്ച് പോലീസിനെ അറിയിക്കണമെന്നാണു നിയമം. എന് ശക്തന് നല്കിയ രേഖകളും സമര്പ്പിച്ച ബില്ലുകളും തമ്മില് പൊരുത്തക്കേട് കണ്ടെത്തിയതോടെയാണ് ഇക്കാര്യം ചര്ച്ചയായത്. ശക്തന് ഡെപ്യൂട്ടി സ്പീക്കറും സ്പീക്കറുമായിരുന്ന കാലയളവിലെ യാത്രാരേഖകള് വിവരാവകാശനിയമപ്രകാരം നല്കാനും സര്ക്കാര് കൂട്ടാക്കിയിരുന്നില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
