രാജ്യത്തോടുള്ള പ്രധാനമന്ത്രി നരേന്ദ്രമോദിയുടെ സമര്‍പ്പണ മനോഭാവം മാതൃകയാണെന്ന് നടന്‍ മോഹന്‍ലാല്‍. മോദി മികച്ച ഭരണാധികാരിയാണെന്നും പ്രചോദിപ്പിക്കുന്ന നേതാവാണെന്നും മോഹന്‍ലാല്‍ അഭിപ്രായപ്പെട്ടു. കേന്ദ്ര സര്‍ക്കാരിന് വേണ്ടിയുള്ള പ്രത്യേക പോഡ്കാസ്റ്റിലാണ് മോഹന്‍ലാലിന്റെ പരാമര്‍ശം.

മോദിയുടെ കാഴ്ചപ്പാടുകളില്‍ കരുത്തും വ്യക്തതയുമുണ്ടെന്നും കലാകാരന്മാരോടുള്ള അദ്ദേഹത്തിന്റെ കരുതല്‍ അനുഭവിച്ചറിഞ്ഞിട്ടുണ്ടെന്നും മോഹന്‍ലാല്‍ പറഞ്ഞു. പിണറായിലാല്‍ അഭിമുഖം ചര്‍ച്ചയായതിന് പിന്നാലെയാണ് മോദിക്ക് പ്രശംസയുമായി മോഹന്‍ലാന്റെ പോഡ്കാസ്റ്റ് എത്തുന്നത്. രാജ്യത്തോടുള്ള പ്രധാനമന്ത്രിയുടെ സമര്‍പ്പണ മനോഭാവം മാതൃകയാണെന്നും മോഹന്‍ലാല്‍ പുകഴ്ത്തി. മോദി രാജ്യത്തെ അമ്മയെപ്പോലെ കാണുന്നു.

മോദി ഒരു യോഗിയാണെന്നും വാക്കുകളില്‍ ഒതുക്കാവുന്ന വ്യക്തിത്വമല്ല അദ്ദേഹത്തിന്റേതെന്നും ലാല്‍ പറയുന്നു. ബുദ്ധിമുട്ടേറിയ സാഹചര്യങ്ങളില്‍ മോദി രാജ്യത്തെ നയിക്കുന്നത് കണ്ടുപഠിക്കേണ്ടതാണെന്നും മോഹന്‍ലാല്‍ അഭിപ്രായപ്പെട്ടു. മോദിയുടെ അടുത്തുനിന്നാല്‍ സ്‌നേഹം അനുഭവിച്ചറിയാമെന്നും ലാല്‍ പറയുന്നു.