എസ്.എന്.സി ലാവ്ലിന് കേസില് പ്രതികളെ വെറുതെ വിട്ടതിനെതിരെ സമര്പ്പിച്ച സ്വകാര്യ റിവിഷന് ഹര്ജികള് കോടതി തള്ളി
എസ്.എന്.സി ലാവ്ലിന് കേസില് പിണറായി വിജയന് അടക്കമുള്ള പ്രതികളെ വെറുതെ വിട്ട വിധിക്കെതിരെ െ്രെകം എഡിറ്റര് നന്ദകുമാര്, വി.എസ് അച്യൂതാനന്ദന്റെ മുന് പഴ്സണല് സെക്രട്ടറി എന്. ഷാജഹാന്, പാലാ സ്വദേശി ജിവന് ജേക്കബ് എന്നിവര് സമര്പ്പിച്ച സ്വകാര്യ റിവിഷന് ഹര്ജികള് ഹൈക്കോടതി തള്ളി. കേസില് റിവിഷന് ഹര്ജി നല്കാന് സി.ബി.ഐയ്ക്ക് മാത്രമാണ് അവകാശം. കേസില് കക്ഷി ചേരാന് മറ്റുള്ളവര്ക്ക് അവകാമില്ലെന്നും കോടതി ചൂണ്ടിക്കാട്ടി.
കേസില് പ്രോസിക്യുഷന് സമര്പ്പിക്കുന്ന രേഖകള് മാത്രമേ കോടതിക്കു പരിശോധിക്കാന് കഴിയൂ. മൂന്നാമതൊരു കക്ഷിക്ക് തന്റെ പക്കല് തെളിവുണ്ടെന്ന് കാണിച്ച് കോടതിയെ സമീപിക്കാന് കഴിയില്ല. അതിന് പ്രയോജനവുമില്ല. നിയമപ്രകാരം അത് പരിഗണിക്കാന് കോടതിക്ക് കഴിയില്ലെന്നും ഉത്തരവില് പറയുന്നു.
ഹര്ജി സമര്പ്പിക്കാന് സി.ബി.ഐയ്ക്ക് കോടതി രണ്ടു മാസം സാവകാശവും അനുവദിച്ചു. സിബി.ഐയ്ക്ക് വേണ്ടി കേസ് വാദിക്കുന്നത് ഡല്ഹിയില് നിന്നും അഡീഷണല് സോളിസിറ്റര് ജനറല് ആയിരിക്കും. അദ്ദേഹത്തിന് കേസ് പഠിക്കുന്നതിനാണ് രണ്ടു മാസം സമയം അനുവദിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
