മകളോട് ചെയ്ത ക്രൂരതകളെല്ലാം കൊലയാളിയോടും ചെയ്യണമെന്ന് ജിഷയുടെ അമ്മ രാജേശ്വരി. തന്റെ മകളോട് ചെയ്ത ക്രൂരതകളെല്ലാം ചെയ്ത ശേഷം കൊലയാളിയെ തൂക്കിലേറ്റണമെന്നാണ് അവര്‍ പറഞ്ഞത്. ജിഷ വധക്കേസിലെ പ്രതി അറസ്റ്റിലായെന്ന വാര്‍ത്തയോട് പ്രതികരിക്കുകയായിരുന്നു അവര്‍.

പിടിയിലായ പ്രതിയെ തനിക്ക് നേരിട്ട് പരിചയമില്ലെന്നും ഇയാളുടെ പേരും മുമ്പ് കേട്ടിട്ടില്ലെന്നും അവര്‍ പറഞ്ഞു. തന്റെ മകള്‍ക്ക് സംഭവിച്ച ദുരന്തം മറ്റൊര്‍ക്കും ഉണ്ടാകരുതെന്നും ജിഷയുടെ അമ്മ കൂട്ടിച്ചേര്‍ത്തു.

നേരത്തെ ഇതര സംസ്ഥാന തൊഴിലാളിയെ തനിക്ക് പരിചയമില്ലെന്ന് ജിഷയുടെ സഹോദരി ദീപ പ്രതികരിച്ചിരുന്നു. പൊലീസ് യഥാര്‍ത്ഥ പ്രതിയെ പിടിച്ചതില്‍ സന്തോഷമുണ്ടെന്ന് പറഞ്ഞ അവര്‍ ഇതിനെക്കുറിച്ച് പൊലീസ് തന്നോട് ഒന്നും ചോദിച്ചിട്ടില്ലെന്നും പറഞ്ഞിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha