അസമിലെ തോട്ടം മേഖലയിലേക്കു കുടിയേറിയ ബംഗ്ലദേശി അഭയാര്‍ഥി കുടുംബക്കാരനാണ് ജിഷയുടെ കൊലയാളി അമീയൂര്‍ ഇസ്‌ലാമെന്ന് പ്രാഥമിക വിവരം. കാഞ്ചീപുരത്തെ വാഹനനിര്‍മാണ ശാലയില്‍നിന്ന് ഇറങ്ങിവന്ന അമീയൂര്‍ ഇസ്‌ലാമിന്റെ പിന്നാലെ ചെന്ന അന്വേഷണ സംഘത്തിലെ ഉദ്യോഗസ്ഥന്‍ 'അമിയൂര്‍' എന്നു വിളിച്ചതോടെ ഇയാള്‍ തിരിഞ്ഞുനോക്കി. പന്തികേടു തോന്നി കടന്നുകളയാന്‍ ശ്രമിച്ചപ്പോള്‍ മൂന്ന് ഉദ്യോഗസ്ഥര്‍ ചേര്‍ന്നു കീഴ്‌പ്പെടുത്തി.
പല സിംകാര്‍ഡുകള്‍ മാറി ഉപയോഗിച്ചിട്ടും ഫോണ്‍ ഉപേക്ഷിക്കാന്‍ ഇയാള്‍ തയാറാവാതിരുന്നതിന് കാരണം മൊബൈല്‍ ഫോണില്‍ ഒട്ടേറെ അശ്ലീല വീഡിയോകള്‍ ഉണ്ടായിരുന്നതിനാലാണ്. പൊലീസിനു പിടിവള്ളിയായതും ഇതുതന്നെയായിരുന്നു. ബംഗാളിയായ ഭാര്യയോടൊപ്പം പെരുമ്പാവൂരില്‍ ഇയാള്‍ താമസിച്ചിട്ടുണ്ട്. ഇയാള്‍ രണ്ടാമത്തെ വിവാഹം കഴിച്ചത് അവരെ നാട്ടിലേക്കു പറഞ്ഞയച്ചശേഷമാണ്.
ഒരു വര്‍ഷമായി ജിഷയെ പരിചയമുള്ള അമീറുല്‍ ലൈംഗിക താല്‍പര്യത്തോടെ പല തവണ ഇവരുടെ വീടിനു സമീപം പതുങ്ങി നിന്നിട്ടുണ്ട്. കൊലപാതകം നടന്ന ഏപ്രില്‍ 28നു തലേന്നു രാത്രിയിലും ഇയാള്‍ ആ പരിസരത്തുണ്ടായിരുന്നു. മദ്യപിച്ചശേഷം അശ്ലീലചിത്രം കണ്ടതോടെയാണു ജിഷയുടെ വീട്ടിലേക്കു വീണ്ടും പോകാന്‍ തോന്നിയതെന്നും പ്രതി മൊഴിനല്‍കിയിട്ടുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha