വലിയതുറയില്‍ ഒന്‍പതുവയസ്സുകാരനും 11 വയസ്സുകാരിയുമായ സഹോദരങ്ങളെ രണ്ടാനച്ഛന്‍ ക്രൂരമായി മര്‍ദിച്ചു. ഒന്‍പതുവയസ്സുകാരന്റെ രണ്ടു കൈയും തിരിച്ചൊടിച്ചു. കുട്ടിയെ മൂന്നുതവണ എടുത്തെറിഞ്ഞു, മുഖത്തും പരുക്കുണ്ട്. 11 വയസ്സുള്ള സഹോദരിക്കും മര്‍ദനമേറ്റു. രണ്ടാനച്ഛന്‍ മദ്യപിച്ചെത്തിയശേഷമാണ് മര്‍ദിച്ചത്. 14ാം തീയതി രാത്രിയായിരുന്നു സംഭവം. ചൈല്‍ഡ് ലൈന്‍ പ്രവര്‍ത്തകരാണ് കുട്ടികളെ രക്ഷിച്ചത്. വലിയതുറ പൊലീസ് കേസെടുത്തു. പ്രതിയെ ഇതുവരെ പിടികൂടിയില്ല. ഇയാള്‍ ഒളിവിലാണെന്നാണ് പൊലീസ് പറയുന്നത്. വലിയതുറയിലുള്ള വര്‍ക്ക്‌ഷോപ്പില്‍ ജോലിചെയ്യുന്ന കണ്ണന്‍ എന്നയാളാണ് കുട്ടിയുടെ രണ്ടാനച്ഛന്‍.
അനുസരണക്കേടു കാട്ടിയിട്ടാണ് കുട്ടിയെ അടിച്ചതെന്ന് മാതാവ് മഞ്ജു പൊലീസിനോടു പറഞ്ഞു. വേദന സഹിക്കാനാകാതെ കുട്ടി അലറിക്കരഞ്ഞിട്ടും അമ്മയും രണ്ടാനച്ഛനും ആശുപത്രിയില്‍ കൊണ്ടുപോകാന്‍ കൂട്ടാക്കിയില്ല. അയല്‍ക്കാര്‍ അറിയിച്ചതിനെ തുടര്‍ന്ന് ചൈല്‍ഡ് ലൈന്‍ പ്രവര്‍ത്തകരാണ് പിറ്റേദിവസം വൈകിട്ട് കുട്ടിയെ ആശുപത്രിയില്‍ പ്രവേശിപ്പിച്ചത്.
രണ്ടാനച്ഛന്റെ വിലക്കു ലംഘിച്ച് മഞ്ജു കുട്ടിയെ സ്‌കൂളില്‍ കൊണ്ടുപോയിരുന്നു. അന്നാണ് ആക്രമണം നടന്നതെന്ന് കുട്ടിയുടെ സഹോദരി പറഞ്ഞു. കുട്ടിയുടെ രണ്ടു കൈയിലെയും എല്ലുകള്‍ പൊട്ടി. ചെവിയിലൂടെ രക്തമൊഴുകി. മുഖത്തും കാര്യമായി പരുക്കേറ്റിരുന്നു. ഇങ്ങനെയാണ് കുട്ടിയെ ആശുപത്രിയിലെത്തിച്ചത്. ഉടന്‍ തന്നെ അടിയന്തര ശസ്ത്രക്രിയയ്ക്കു വിധേയനാക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha