മക്കളുടെ ജീവിതം കുരുതികൊടുക്കുന്ന അമ്മമാരുടെ വഴിവിട്ട ജീവിതങ്ങള്‍. തിരുവനന്തപുരത്ത് പതിനാറുകാരിയായ മകളെ അമ്മ കാമുകന് കാഴ്ച്ചവെച്ചു. പീഡനത്തിന് ഇരയായ പെണ്‍കുട്ടി ആത്മഹത്യ ചെയ്തു സംഭവത്തില്‍ അമ്മയേയും അമ്മയുടെ കാമുകനേയും പോലീസ് അറസ്റ്റ് ചെയ്തു. വെട്ടുകാട് ബാലന്‍നഗറില്‍ രമണിയുടെ മകളാണു ജീവനൊടുക്കിയത്. ഇതുമായി ബന്ധപ്പെട്ടു രമണി, എറണാകുളം കോതമംഗലം പാണപ്പെട്ടിയില്‍ മുഹമ്മദ് അലി (44) എന്നിവരാണു വലിയതുറ പോലീസിന്റെ പിടിയിലായത്.
സംഭവത്തെക്കുറിച്ചു പോലീസ് പറയുന്നതിങ്ങനെ കഴിഞ്ഞ 12നു െവെകിട്ടാണു പെണ്‍കുട്ടി വെട്ടുകാട്ടില്‍ അമ്മൂമ്മ താമസിക്കുന്ന വീട്ടിലെത്തി തൂങ്ങിമരിച്ചത്. തുടര്‍ന്ന് വലിയതുറ പോലീസ് അസ്വാഭാവികമരണത്തിനു കേസെടുത്തു. പോസ്റ്റ്‌മോര്‍ട്ടം റിപ്പോര്‍ട്ടിന്റെ അടിസ്ഥാനത്തില്‍ നടത്തിയ അന്വേഷണത്തില്‍ കുട്ടി പ്രകൃതിവിരുദ്ധ െലെംഗികപീഡനത്തിനു നിരന്തരം ഇരയായിരുന്നെന്നു വ്യക്തമായി.
സാക്ഷിമൊഴികളുടെയും ആത്മഹത്യാക്കുറിപ്പിന്റെയും അടിസ്ഥാനത്തില്‍ നടത്തിയ അന്വേഷണത്തില്‍ കുട്ടിയുടെ അമ്മയ്‌ക്കൊപ്പം താമസിച്ചിരുന്ന മുഹമ്മദ് അലിയാണു പീഡനം നടത്തിയതെന്നും അമ്മ ഒത്താശ ചെയ്‌തെന്നും തെളിഞ്ഞു.
വിദേശത്തു ജോലി ചെയ്തിരുന്ന രമണി 2006ല്‍ അവിടെവച്ചു പരിചയപ്പെട്ട മുഹമ്മദ് അലിയുമായി ഒന്നിച്ചു കഴിയുകയും നാട്ടിലുള്ള ഭര്‍ത്താവുമായുള്ള ബന്ധം വേര്‍പെടുത്തുകയും ചെയ്തു. കോതമംഗലത്തും പെരുമ്പാവൂരിലും അലിയുമൊന്നിച്ചു രമണി കഴിയവേയാണു മകളെ പീഡനത്തിനിരയാക്കിയത്. ഇതേത്തുടര്‍ന്നാണു കുട്ടി അമ്മൂമ്മയുടെ വീട്ടിലെത്തി ആത്മഹത്യ ചെയ്തത്.
അലി വിവാഹിതനും രണ്ടു കുട്ടികളുടെ പിതാവുമാണ്. കോതമംഗലത്തു വിജി എന്ന പേരിലാണു രമണി താമസിച്ചതെന്നും പോലീസ് അറിയിച്ചു. സിറ്റി പോലീസ് കമ്മിഷണര്‍ സ്പര്‍ജന്‍കുമാറിന്റെ നിര്‍മദശപ്രകാരം ശംഖുമുഖം അസിസ്റ്റന്റ് കമ്മിഷണര്‍ ജവഹര്‍ ജനാര്‍ദിന്റെ നേതൃത്വത്തില്‍ പൂന്തുറ സി.ഐ: സുനില്‍ദാസ്, വലിയതുറ എസ്.ഐ: കെ. ധനപാലന്‍ എന്നിവര്‍ ചേര്‍ന്നാണു പ്രതികളെ അറസ്റ്റ് ചെയ്തത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha