ലഹരി വില്പനക്കാര് ജാഗ്രത പാലിക്കുക, ഏതു നിമിഷവും സിംഗം പിടിച്ചേക്കാം
ലഹരി വില്പ്പനക്കാര്ക്കെതിരെ കച്ച മുറുക്കി ഋഷി രാജ് സിംഗ് പുതിയ നടപടികളുമായി രംഗത്ത്. സ്കൂള്, കോളജ് വിദ്യാര്ഥികളുടെ ലഹരി ഉപയോഗം തടയുന്നതിന് വിവരം ശേഖരിക്കാന് സംസ്ഥാനത്തെ സ്കൂളുകളിലും കോളജുകളിലും എക്സൈസ് വകുപ്പ് പരാതിപ്പെട്ടി സ്ഥാപിക്കുമെന്ന് എക്സൈസ് കമ്മീഷണര് ഋഷിരാജ്സിങ് അറിയിച്ചു.
വിദ്യാര്ഥികള് ലഹരി ഉപയോഗിക്കുന്നുണ്ടോയെന്ന് രക്ഷിതാക്കളും അധ്യാപകരും കൂടുതല് ശ്രദ്ധിക്കണം. രക്ഷിതാക്കള് ജാഗ്രത പാലിച്ചാല് കുട്ടികള് ലഹരി ഉപയോഗിക്കുന്നത് ഒരു പരിധി തടയാനാകുമെന്നും പത്തനംതിട്ട ജില്ലാ പഞ്ചായത്ത് ഓഫിസില് ജനപ്രതിനിധികളുമായും സാമൂഹിക പ്രവര്ത്തകരുമായും സംസാരിക്കുന്ന വേളയില് കമ്മീഷണര് പറഞ്ഞു. ലഹരി ഉല്പന്നങ്ങളുടെ വില്പനയും ഉപയോഗവും സംബന്ധിച്ച് വിവരം നല്കാന് ജനം താല്പര്യം കാണിക്കുന്നില്ലെന്നും അദ്ദേഹം പറഞ്ഞു. ജനങ്ങളുടെ പൂര്ണ്ണമായ സഹകരണത്തോടു കൂടിയേ ഇത്തരം നടപടികളെ നിയമപരമായി ചെറുത്തു നിര്ത്താന് കഴിയൂ എന്നും രക്ഷിതാക്കളോട് എക്സൈസ് കമ്മീഷണര് പറഞ്ഞു.
ഇതര സംസ്ഥാനങ്ങളില്നിന്ന് ലഹരി വസ്തുക്കള് കേരളത്തിലത്തെുന്നുണ്ട്. ചെക് പോസ്റ്റുകളില് എല്ലാ വാഹനവും പരിശോധിക്കുന്നതിന് എക്സൈസ് വിഭാഗത്തിന് ഇപ്പോള് പ്രായോഗിക ബുദ്ധിമുട്ടുണ്ട്. സംസ്ഥാനത്തെ ചെക്പോസ്റ്റുകളില് വാഹന പരിശോധനക്ക് സ്കാനിങ്എക്സ്റേ മെഷീനും അനുബന്ധ ഉപകരണങ്ങളും വാങ്ങും. പത്തനംതിട്ടയില് ലഹരി വില്പനയും വ്യാജവാറ്റും തടയാന് ഉദ്യോഗസ്ഥര്ക്ക് കര്ശന നിര്ദേശം നല്കിയിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
