കേരള എന്‍ജിനീയറിങ്/ആര്‍ക്കിടെക്ചര്‍ പ്രവേശന പരീക്ഷയുടെ റാങ്ക്പട്ടിക പ്രഖ്യാപിച്ചു. തൃപ്പൂണിത്തുറ സ്വദേശി റാം ഗണേശിനാണ് ഒന്നാം റാങ്ക്. തിരുവല്ല സ്വദേശി അക്ഷയ് ആനന്ദിന് രണ്ടാം റാങ്കും തിരുവനന്തപുരം സ്വദേശി അശ്വിന്‍ എസ്. നായര്‍ക്ക് മൂന്നാം റാങ്കും ലഭിച്ചു. 

ആര്‍ക്കിടെക്ചര്‍ വിഭാഗത്തില്‍ കോഴിക്കോട് സ്വദേശി നമിത നികേഷ് ഒന്നാം റാങ്ക് കരസ്ഥമാക്കി. രണ്ടാം റാങ്ക് കോഴിക്കോട് സ്വദേശിയായ നിഷാന്ത് കൃഷ്ണക്കാണ്. എസ്.സി എസ്.ടി വിഭാഗത്തില്‍ ഷിബൂസ് പി. മലപ്പുറം ഒന്നാം റാങ്ക് നേടി. 

വിദ്യാഭ്യാസമന്ത്രി സി. രവീന്ദ്രനാഥ് സെക്രട്ടേറിയറ്റിലെ പി.ആര്‍. ചേംബറിലാണ് ഫലപ്രഖ്യാപനം നടത്തിയത്. എന്‍ജിനീയറിങ് പ്രവേശപരീക്ഷയുടെ സ്‌കോര്‍ നേരത്തേ പ്രസിദ്ധീകരിച്ചിരുന്നു. യോഗ്യത നേടിയ 78, 000 വിദ്യാര്‍ഥികളോട് യോഗ്യതാപരീക്ഷയിലെ (പ്ലസ് ടു/ തത്തുല്യപരീക്ഷകള്‍) മാര്‍ക്കുകള്‍ പ്രവേശപരീക്ഷാകമീഷണര്‍ക്ക് സമര്‍പ്പിക്കാന്‍ നിര്‍ദേശിച്ചിരുന്നു. യോഗ്യതാപരീക്ഷയില്‍ മാത്തമാറ്റിക്‌സ്, കെമിസ്ട്രി, ഫിസിക്‌സ് എന്നിവയില്‍ നേടിയ മാര്‍ക്ക് കൂടി പരിഗണിച്ച് സമീകരണപ്രക്രിയക്ക് ശേഷം തയാറാക്കിയ റാങ്ക്പട്ടികയാണ് പ്രസിദ്ധീകരിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha