ആ വേദന ആര് കാണാന്‍, മുവാറ്റുപുഴയില്‍ അധ്യാപികയുടെ മാനസീകപീഡനത്തെ തുടര്‍ന്ന് ആത്മഹത്യക്കു ശ്രമിച്ച വിദ്യാര്‍ത്ഥിനി മരിച്ചു
അദ്ധ്യാപിക പരിഹസിച്ചതിന്റെ പേരില്‍ തീകൊളുത്തി ആത്മഹത്യയ്ക്ക് ശ്രമിച്ച മൂവാറ്റുപുഴ ഗവ. മോഡല്‍ ഹയര്‍ സെക്കന്‍ഡറി സ്‌കൂള്‍ വിദ്യാര്‍ഥിനി പനവേലില്‍ അനിരുദ്ധന്റെ മകള്‍ പി.എ നന്ദനയാണ് മരിച്ചത്. സ്‌കൂളിലെ പ്രധാന അധ്യാപികയുടെ മാനസിക പീഡനത്തില്‍ മനംനൊന്താണ് നന്ദന തീകൊളുത്തി ആത്മഹത്യയ്ക്ക് ശ്രമിച്ചത്. ആത്മഹത്യാ ശ്രമത്തെ തുടര്‍ന്ന് ഗുരുതരമായി പൊള്ളലേറ്റ നന്ദന കോയ്റ്റയം മെഡിക്കല്‍ കോളേജ് ആശുപത്രീയില്‍ ചികിത്സയിലായിരുന്നു.
ശനിയാഴ്ച പുലര്‍ച്ചെ ഒരുആണിയോടെ ആണ് നന്ദന ആശുപത്രീയില്‍ വച്ച് മരിച്ചത്. 70 ശതമാനം പൊള്ളലേറ്റ പെണ്‍കുട്ടിയെ തീവ്രപരിചരണ വിഭാഗത്തിലാണ് പ്രവേശിപ്പിച്ചിരുന്നത്. പരീക്ഷയ്‌ക്കെത്തിയ പെണ്‍കുട്ടിയുടെ ബാഗ് പരിശോധിച്ച അധ്യാപകര്‍ കത്ത് കണ്ടെത്തിയെന്ന് ആരോപിച്ച് മാനസികമായി പീഡിപ്പിച്ചുവെന്നാണ് പരാതി. സ്‌കൂളില്‍നിന്ന് വീട്ടിലെത്തിയ പെണ്‍കുട്ടി അടുത്ത വീട്ടില്‍നിന്ന് മണ്ണെണ്ണ വാങ്ങി ദേഹത്ത് ഒഴിച്ചശേഷം തീകൊളുത്തി ആത്മഹത്യയ്ക്ക് ശ്രമിക്കുകയായിരുന്നു. അധ്യാപികയ്‌ക്കെതിരെ വാഴക്കുളം പോലീസ് കേസെടുത്തിട്ടുണ്ട്. സംഭവം വാന്‍ പ്രതിഷേധത്തിന് ഇടയാക്കിയിരുന്നു. മൂവാറ്റുപുഴ എംഎല്‍എ എല്‍ദോ എബ്രഹാം സംഭവത്തില്‍ പ്രതിഷേധവുമായി രംഗത്ത് വന്നിരുന്നു.
https://www.facebook.com/Malayalivartha
