കൊല്ലം കോര്പ്പറേഷനിലെ കൗണ്സിലറും അച്ഛനും കാറിടിച്ചു മരിച്ചു
കൊല്ലം കോര്പ്പറേഷനിലെ ബി.ജെ.പി കൗണ്സിലര് തേവള്ളി ഓലയില് വരവര്ണിനിയില് കോകില എസ്.കുമാറും (23) അച്ഛന് സുനില് കുമാറും കാറിടിച്ചു മരിച്ചു. അച്ഛനോടൊപ്പം സ്കൂട്ടറില് വരുമ്പോള്, പടിഞ്ഞാറെ കൊല്ലം കാവനാട് ദേശീയപാതയില് ആല്ത്തറമൂടിനുസമീപമായിരുന്നു അപകടം.
അമിതവേഗത്തില് പിന്നാലെവന്ന കാര് കോകിലയും അച്ഛനും സഞ്ചരിച്ച സ്കൂട്ടര് ഇടിച്ച്തെറിപ്പിക്കുകയായിരുന്നു. മറ്റുപല വാഹനങ്ങളിലും ഉരസിയശേഷമാണ് കാര് സ്കൂട്ടറിന്റെ പിന്നിലിടിച്ചതെന്ന് ദൃക്സാക്ഷികള് പറഞ്ഞു. നാട്ടുകാര് ഇരുവരെയും ജില്ല ആശുപത്രിയിലെത്തിച്ചെങ്കിലും കോകില മരിച്ചിരുന്നു. ഗുരുതരമായി പരിക്കേറ്റ സുനില് കുമാറിനെ തിരുവനന്തപുരത്തെ സ്വാകാര്യ ആശുപത്രിയിലേക്ക് മാറ്റി. ബുധനാഴ്ച രാവിലെയാണ് സുനില് കുമാര് മരിച്ചത്.
പരവൂര് ഫയര് സേറ്റ്ഷനിലെ ഡ്രൈവറാണ് സുനില് കുമാര്. ശക്തികുളങ്ങര ധര്മ്മശാസ്താക്ഷേത്രത്തിനുസമീപമുള്ള റെസിഡന്റ്സ് അസോസിയേഷന്റെ ഓണാഘോഷപരിപാടിയില് പങ്കെടുത്തശേഷം തേവള്ളിയിലേക്ക് മടങ്ങുന്ന വഴിയായിരുന്നു അപകടം. അപകടമുണ്ടാക്കിയ കാര് രാത്രി വൈകിയും കണ്ടെത്താനായില്ല.
കൊല്ലം കോര്പ്പറേഷനിലെ ഏറ്റവും പ്രായം കുറഞ്ഞയാളാണ് കോകില. കൊല്ലം കര്മ്മലറാണി ട്രെയിനിങ് കോളേജിലെ വിദ്യാര്ത്ഥിനികൂടിയാണ് കോകില. ഷൈലജയാണ് അമ്മ. കാര്ത്തികയും ശബരിയുമാണ് സഹോദരങ്ങള്.
https://www.facebook.com/Malayalivartha
