വേലി തന്നെ വിളവ് തിന്നു, വിജിലന്സ് നിയമോപദേശകനെതിരെ കോഴിക്കേസില് വിജിലന്സ് അന്വേഷണം
തൃശൂരിലെ കോഴി ഇറക്കുമതി കമ്പനിയായ തോംസണ് ഗ്രൂപ്പിന് വാണിജ്യ നികുതി വകുപ്പ് ചുമത്തിയ 64 കോടി രൂപയുടെ പിഴ ഒഴിവാക്കിയതിലും ആയുര്വേദ സൗന്ദര്യവര്ദ്ധക കമ്പനികള്ക്ക് നികുതി ഇളവ് നല്കിയ കേസില് കെ എം മാണിക്കെതിരായ തെളിവുകള് കോടതിയില് മറച്ചുവച്ചെന്ന വിജിലന്സ് കണ്ടെത്തിയതിനെ തുടര്ന്നണ് വിജിലന്സ് നിയമോപദേശകന് പി.കെ. മുരളീകൃഷ്ണനെതിരെ വിജിലന്സ് അന്വേഷണത്തിനു ഉത്തരവായിരിക്കുന്നത്.
കേസില് മുരളീകൃഷ്ണന്റെ മൊഴി വിജിലന്സ് രേഖപ്പെടുത്തി. മുരളീകൃഷ്ണന് പുനര്നിയമനം നല്കരുതെന്നും സര്ക്കാരിനോട് വിജിലന്സ് ആവശ്യപ്പെട്ടിട്ടുണ്ട്. കോഴിക്കച്ചവടക്കാര് നികുതി വെട്ടിക്കുന്നു എന്ന പരാതിയെത്തുടര്ന്ന് കഴിഞ്ഞ എല്ഡിഎഫ് സര്ക്കാറിന്റെ കാലത്ത് പ്രത്യേക അന്വേഷണ സംഘം നടത്തിയ പരിശോധനയെത്തുടര്ന്ന് 65 കോടി രൂപ പിഴ ഈടാക്കാന് ഉത്തരവ് ഇറക്കിയിരുന്നു. ഇത് മറികടന്ന് കോഴിക്കച്ചവടക്കാരെ അനധികൃതമായി സഹായിച്ചെന്നാണ് മാണിക്കെതിരായ കേസ്. കേസില് മാണിക്കെതിരായ തെളിവുകള് കോടതിയില് ഹാജരാക്കാതെ മറച്ചു വച്ചെന്നാണ് വിജിലന്സിന്റെ പുതിയ കണ്ടെത്തല്. സുപ്രീം കോടതി വരെ പോയിട്ടും ഒഴിവാക്കി കിട്ടാതിരുന്ന പിഴ നികുതി, കെ. എം. മാണി സ്വന്തം നിലയില് അധികാര ദുര്വിനിയോഗം നടത്തി ഒഴിവാക്കിക്കൊടുക്കുകയായിരുന്നു എന്നാണ് കേസ്. പിഴ പിടിച്ചെടുക്കാനുള്ള ജപ്തി നടപടികള് ഇല്ലാതാക്കാനും പിഴ ഒഴിവാക്കാനുമായി വാണിജ്യ നികുതി വകുപ്പില് അപ്പീല് ഡെപ്യൂട്ടി കമ്മിഷണറെ പലവട്ടം മാറ്റി നിയമിച്ചു എന്നും വാണിജ്യ നികുതി വ്യവസ്ഥകള് മറികടന്നുവെന്നും വിജിലന്സ് നേരത്തെ കണ്ടെത്തിയിരുന്നു.
https://www.facebook.com/Malayalivartha
