തൊടുപുഴ പെണ്‍വാണിഭത്തില്‍ പിടിയിലായത് സിനിമാ-സീരിയല്‍ നടി അമലയെന്ന് റിപ്പോര്‍ട്ട്. കേസില്‍ അറസ്റ്റിലായ നടി അമല തൊടുപുഴയില്‍ എത്തിയത് ഒരു പ്രമുഖ സിനിമാ നടന് വേണ്ടിയാണെന്ന് അമല പോലീസിന് മൊഴി നല്‍കിയിട്ടുണ്ട്. 

നിരവധി സിനിമകളിലും സീരിയലുകളിലും അഭിനയിച്ചിട്ടുള്ള യുവതി പെണ്‍വാണിഭ സംഘത്തിന്റെ ഭാഗമാണെന്ന് ബോധ്യമായതോടെ അന്വേഷണം സിനിമാ മേഖലയിലേക്ക് വ്യാപിപ്പിക്കാന്‍ ഒരുങ്ങുകയാണ് പൊലീസ്.
അറസ്റ്റിലായതിന് പിന്നാലെ തന്നെ നടിക്ക് ജാമ്യം ലഭിച്ചിരുന്നു. എന്നാല്‍, മറ്റുള്ളവര്‍ ഇപ്പോഴും റിമാന്‍ഡിലാണ്. ചോദ്യം ചെയ്യലില്‍ അമല ഞെട്ടിക്കുന്ന ചില വെളിപ്പെടുത്തലുകള്‍ നടത്തിയെന്നാണ് പൊലീസില്‍ നിന്നു ലഭിക്കുന്ന വിവരം. തൊടുപുഴയില്‍ താങ്ങിയ ചില സിനിമക്കാര്‍ക്കുവേണ്ടിയാണ് തന്നെയും മറ്റൊരു പെണ്‍കുട്ടിയെയും കൊണ്ടുവന്നതെന്നാണ് അമല വെളിപ്പെടുത്തിയത്. ഇതില്‍ ഒരു നടനുണ്ടെന്നാണ് നടി നല്‍കിയ സൂചന. എന്നാല്‍, അതാരാണെന്ന് നടി വെളിപ്പെടുത്തിയിട്ടില്ല.

സിനിമയുമായി ബന്ധപ്പെട്ട് പ്രവര്‍ത്തിക്കുന്ന സുരാജ് എന്നയാളാണ് തങ്ങളെ ഇവിടെ എത്തിച്ചതെന്നും നടി പോലീസിനോട് പറഞ്ഞു. പൊലീസ് ഇയാള്‍ക്കായി വലവിരിച്ചിട്ടുണ്ട്. ഒരു മലയാള സിനിമയുടെ ചിത്രീകരണത്തിനിടെയാണ് നടി ഇയാളെ പരിചയപ്പെട്ടത്. സുരാജ് ആണ് തന്നെ തൊടുപുഴയിലെത്തിച്ചതെന്നും നടിമൊഴി നല്‍കിയിട്ടുണ്ട്. ഇയാളുടെ മൊബൈല്‍ നമ്പറും പൊലീസിന് ലഭിച്ചിട്ടുണ്ട്. കഴിഞ്ഞ ശനിയാഴ്ചയാണ് തൊടുപുഴ കദളിക്കാടുനിന്ന് പെണ്‍വാണിഭ സംഘത്തെ പിടികൂടിയത്. കാളികാവ് സ്വദേശിയും നടിയുമായ അമല ഉള്‍പ്പെട്ട അഞ്ചംഗസംഘത്തെയാണ് പൊലീസ് അറസ്റ്റ് ചെയ്തത്.
കഴിഞ്ഞ ശനിയാഴ്ചയാണ് തൊടുപുഴ കദളിക്കാടുനിന്ന് പെണ്‍വാണിഭ സംഘത്തെ പിടികൂടിയത്. കാളികാവ് സ്വദേശിയും നടിയുമായ അമല ഉള്‍പ്പെട്ട അഞ്ചംഗസംഘത്തെയാണ് പൊലീസ് അറസ്റ്റ് ചെയ്തത്. തൊടുപുഴ മുളപ്പുറം സ്വദേശികളായ അജീബ്, ജിത്ത്, പാറപ്പുഴ സ്വദേശി ബാബു, ഇടനിലക്കാരന്‍ തെക്കുംഭാഗം സ്വദേശി മോഹനന്‍ എന്നിവരെയാണ് പൊലീസ് പിടികൂടിയത്.
സൂരജിനെ അറസ്റ്റ് ചെയ്താല്‍ അണിയറയിലുള്ളവരെ കുടുക്കാമെന്നാണ് പൊലീസിന്റെ പ്രതീക്ഷ. അടുത്തകാലത്തായി നിരവധി സിനിമകളുടെ ഷൂട്ടിങ് തൊടുപുഴയിലും പരിസരപ്രദേശങ്ങളിലും നടക്കുന്നുണ്ട്. അന്വേഷണം വ്യാപിക്കുന്നുവെന്ന വാര്‍ത്ത വന്നതോടെ സിനിമാക്കാരും ആശങ്കയിലാണ്. കഴിഞ്ഞ ശനിയാഴ്ച്ചയായിരുന്നു നടിയടക്കമുള്ളവര്‍ പിടിയിലായത്. വാടക വീട് കേന്ദ്രീകരിച്ചായിരുന്നു സംഘത്തിന്റെ പ്രവര്‍ത്തനങ്ങള്‍. വീട്ടില്‍ നിന്ന് കണ്ടെടുത്ത ഡയറിയില്‍ 20ഓളം പെണ്‍കുട്ടികളുടെ പേരും മൊബൈല്‍ നമ്പറും രേഖപ്പെടുത്തിയിട്ടുണ്ട്. ആളൊഴിഞ്ഞ പ്രദേശത്തെ ഈ വീട്ടിലേക്ക് നിരവധി വാഹനങ്ങള്‍ സ്ഥിരമായി വന്നുപോകുന്നത് ശ്രദ്ധയില്‍പ്പെട്ട സമീപവാസികളാണ് വിവരം പൊലീസിനെ അറിയിച്ചത്.