ഒരു ഗ്ലൗസ് കൂടി ഉണ്ടായിരുന്നെങ്കിൽ. കയിൽ ചെളി പറ്റാതെ കൃഷി ഇറക്കുന്നത് എങ്ങനെയെന്ന് അറിയാമോ?
ആറന്മുള: കാലിലോ കൈയിലോ ചെളി പറ്റാതെ എങ്ങനെ വയലില് കൃഷി ചെയ്യാം. എൽഡിഫ് ഇതാ, അതിങ്ങനെയാണ്.
പാടത്തു കോണ്ക്രീറ്റ് സ്ലാബിട്ട് അതില് ചുവന്ന പരവതാനിയും തെന്നി വീഴാതിരിക്കാന് വേലിയും കെട്ടിയാല് കൈകാലുകളില് ചെളിയാകാതെ പാടത്തു വിത്തു വിതയ്ക്കാം. മുഖ്യമന്ത്രി പിണറായി വിജയന്റെ നേതൃത്വത്തില് ആറന്മുളയില് പാടത്തു വിത്തു വിതയ്ക്കുന്നതിനെ പരിഹസിച്ചാണ് സോഷ്യല് മീഡിയ രംഗത്തെത്തിയത്.
സാധാരണ കര്ഷകരെപ്പോലെ പാടത്തിറങ്ങാതെ കരയ്ക്കു നിന്നു വിത്തെറിഞ്ഞതിനെ ആഘോഷമാക്കിയിരിക്കുകയാണു സൈബര് ലോകം.
പിണറായിയും മന്ത്രിമാരായ വി എസ് സുനില് കുമാറും മാത്യു ടി തോമസും എംഎല്എമാരായ വീണ ജോര്ജും രാജു എബ്രഹാമും കരയ്ക്കു നിന്നു വിത്തു പാടത്തേക്കു നീട്ടിയെറിഞ്ഞതിനെ ട്രോളുകയാണു സോഷ്യല് മീഡിയ.
ആറന്മുള എഞ്ചിനീയറിങ് കോളേജിനരിനരില് പ്രത്യേകം തയ്യാറാക്കിയ പാടശേഖരത്താണ് മുഖ്യമന്ത്രി വിത്തെറിഞ്ഞത്. രണ്ട് പതിറ്റാണ്ടായി തരിശുകിടക്കുന്ന നിലങ്ങളിലായിരുന്നു എല്ഡിഎഫ് സര്ക്കാരിന്റെ വാഗ്ദാനങ്ങളുടെ ഭാഗമായി കൃഷിയിറക്കിയത്. കേരളത്തിലെ തരിശുനിലങ്ങളില് വിത്തിറക്കുമെന്നായിരുന്നു എല്ഡിഎഫിന്റെ തെരഞ്ഞെടുപ്പു വാഗ്ദാനം. വിത്തിറക്കല് ചടങ്ങിനു ആഘോഷമായി മുഖ്യമന്ത്രിയെയും മറ്റും സ്വീകരിച്ചിരുന്നു. എന്നാല് പാടവരമ്ബില് പ്രത്യേകം തയ്യാറാക്കിയ സ്ഥലത്തുനിന്നു വിത്തു വിതച്ച നേതാക്കള്ക്കെതിരെ പരിഹാസശരങ്ങള് എയ്യുകയായിരുന്നു സൈബര് ലോകം.
'ചെളിയില് ചവിട്ടാതെ എങ്ങനെ വിത്ത് എറിയാമെന്ന് കാട്ടിതന്നെ നേതാക്കള്ക്ക് നമോവാകം. ഏതായാലും ചവിട്ടി നില്ക്കാന് ചുവപ്പ് കാര്പ്പറ്റ് വിരിച്ചത് ഏതായാലും നന്നായി.. അല്ലെങ്കില് കാലിലോ ചെരുപ്പിലോ ചെളിപറ്റിയേനേ... ഈ ചിത്രം നല്കുന്ന ഒരു സന്ദേശം കൂടിയുണ്ട്. കര്ഷകനെ സമൂഹത്തില് നിന്ന് ഏപ്പോഴും അകറ്റി നിര്ത്തണം...' സോഷ്യല് മീഡിയയില് കണ്ട ഒരു പ്രതികരണം ഇങ്ങനെ.
വിമര്ശനവുമായി മറ്റു കമന്റുകളും പ്രത്യക്ഷപ്പെട്ടിട്ടുണ്ട്.
മുഖ്യമന്ത്രിയും സഹപ്രവര്ത്തകരും പാടത്തിറങ്ങി വിത്തിട്ട് ഉല്ഘാടനം ചെയ്യണം എന്നില്ല.. പക്ഷേ പ്രതീകാത്മക ഉത്ഘാടനം നടത്തി പാടത്തിറങ്ങി ആര്ക്കെങ്കിലും വിത്തെറിയാമായിരുന്നു...
ആറന്മുള വിമാനത്താവള പദ്ധതി പ്രദേശത്തു വിത്തെറിയും എന്ന് പ്രചാരണം നടത്തി പ്രവാസി മലായാളിയുടെ പാടത്ത് 153 ലക്ഷം മുടക്കി കൃഷി ചെയ്യുമ്ബോള് സംസ്ഥാനത്തിനുണ്ടാകുന്ന നേട്ടം..????
ശ്രീ സുനില് കുമാര് നിലമൊരുക്കല് പദ്ധതി ഉല്ഘാടനം ചെയ്തത് ഒരു കോളേജ് മൈതാനത്ത് ആയിരുന്ന കാര്യം???
എന്നിങ്ങനെ പോകുന്നു പരിഹാസങ്ങള്
https://www.facebook.com/Malayalivartha
