സോളാര്‍ കേസില്‍ തനിക്കെതിരായ വിധി സ്‌റ്റേ ചെയ്യണമെന്നാവശ്യപ്പെട്ട് മുന്‍ മുഖ്യമന്ത്രി ഉമ്മന്‍ ചാണ്ടി ബംഗളൂരു സിറ്റി സിവില്‍ ആന്‍ഡ് സെഷന്‍സ് കോടതിയില്‍ സമര്‍പ്പിച്ച ഹര്‍ജി ഇന്ന് പരിഗണിക്കും. കേസില്‍ തന്റെ ഭാഗം കേള്‍ക്കാതെയാണ് വിധിയെന്ന് അഡ്വ. എ. സന്തോഷ് വഴി നല്‍കിയ ഹര്‍ജിയില്‍ പറയുന്നു.

ബംഗളൂരുവിലെ വ്യവസായിയും മലയാളിയുമായ എം.കെ. കുരുവിളയുടെ ഹര്‍ജിയില്‍ ഒക്ടോബര്‍ 24നാണ് കോടതി ഉമ്മന്‍ ചാണ്ടി ഉള്‍പ്പെടെ ആറു പ്രതികള്‍ക്കെതിരെ വിധി പുറപ്പെടുവിച്ചത്. പരാതിക്കാരന് 1,60,85,700 രൂപ നല്‍കാനായിരുന്നു ഉത്തരവ്.