മന്ത്രിമാരായ വി.എസ് സുനില്കുമാറിനെയും ഇ.ചന്ദ്രശേഖരനെയും വിമര്ശിച്ച് സര്ക്കാര് ചീഫ് വിപ്പ് എം.എം മണി
സി.പി.ഐ മന്ത്രിമാരെ രൂക്ഷമായി വിമര്ശിച്ച് ഗവ.ചീഫ് വിപ്പ് എം.എം. മണി. റവന്യൂ മന്ത്രി ഇ.ചന്ദ്രശേഖരനെയും കൃഷി മന്ത്രി വി.എസ്.സുനില്കുമാറിനെയുമാണ് എം.എം. മണി എം.എല്.എ വിമര്ശിച്ചിരിക്കുന്നത്.
മന്ത്രിമാരുടെ അറിവില്ലായ്മകള് സര്ക്കാറിന് കുഴപ്പമുണ്ടാക്കുന്നു. സംസ്ഥാനത്തെ പ്രശ്നങ്ങളെ കുറിച്ച് ധാരണയില്ലാത്തവരാണ് ഭരിക്കുന്നത്. നിലവിലെ ചില മന്ത്രിമാര് വിവരക്കേടുള്ളവരാണ്. പ്രത്യേകിച്ച് റവന്യൂമന്ത്രി. കാസര്ക്കോട്ടെ പ്രശ്നങ്ങളല്ലാതെ മറ്റൊന്നും റവന്യൂമന്ത്രിക്കറിയില്ല. ഇടുക്കി ജില്ലയിലെ പ്രശ്നങ്ങള് പഠിക്കാന് മന്ത്രി ശ്രമിക്കുന്നുമില്ല. ഇടുക്കിയുടെ കാര്യങ്ങളില് വിവരക്കേട് പറയുകയാണ്. രാജാക്കാട്ടു നടന്ന കര്ഷക സംഘം ജില്ലാ സമ്മേളനത്തിലാണ് മണിയുടെ വിമര്ശനം.
കൃഷി മേഖലയിലും പ്രശ്നങ്ങളുണ്ടെന്നും മണി കുറ്റപ്പെടുത്തി. 1956ല് ഇ.എം.എസ് സര്ക്കാര് ഭൂപരിഷ്കരണ നിയമം നടപ്പിലാക്കുേമ്പാള് തള്ളിപ്പറഞ്ഞവരാണ് സി.പി.ഐ. അന്ന് കോണ്ഗ്രസിനോട് ചേര്ന്ന് ഭരണമുറപ്പിച്ച നിലപാടാണ് ഇന്നും അവര്ക്കെന്നും മണി കുറ്റപ്പെടുത്തി. എല്.ഡി.എഫ് വരും എല്ലാംശരിയാകും എന്നായിരുന്നു എല്.ഡി.എഫ് മുദ്രാവാക്യം. എന്നാല് ഇതുവരെ ഇടുക്കിയില് ഒന്നും ശരിയായിട്ടില്ല. ശരിയാക്കാന് നാം മുന്നിട്ടിറങ്ങണമെന്നും മണി കൂട്ടിച്ചേര്ത്തു.
https://www.facebook.com/Malayalivartha
