സഹകരണബാങ്കില്‍ മന്ത്രിക്ക് കോടികളുടെ കള്ളപ്പണം: മംഗളം റിപ്പോര്‍ട്ട് തിരിഞ്ഞുകൊത്തുന്നത് ഏത് മന്ത്രിയെ: റിപ്പോര്‍ട്ട് സജീവ ചര്‍ച്ചയാകുന്നു
സഹകരണ ബാങ്കില്‍ വന്‍നിക്ഷേപമുള്ള മന്ത്രിയാര് ഗണേശ് കുമാറിന്റെ രാജിയടക്കം
എന്നും വാര്‍ത്തകളിലൂടെ അട്ടിമറി നടത്തുന്ന മംഗളത്തിന്റെ റിപ്പോര്‍ട്ട് വന്‍ ചര്‍ച്ചയാകുന്നു. ഒരു മന്ത്രിയടക്കം നിരവധി പ്രമുഖ നേതാക്കള്‍ക്ക് തലസ്ഥാനത്തെ ഒരു പ്രമുഖ സഹകരണബാങ്കില്‍ അനധികൃത നിക്ഷേപമുള്ളതായി കണ്ടെത്തിയെന്നുള്ള എക്‌സ്‌ക്ലൂസീവ് വാര്‍ത്തയാണ് മംഗളം ഇന്ന് റിപ്പോര്‍ട്ട് ചെയ്തിരിക്കുന്നത്. രഹസ്യ വിവരത്തിന്റെ അടിസ്ഥാനത്തിലാണ് ആദായനികുതി വകുപ്പ് ബാങ്കുകളില്‍ മിന്നല്‍ പരിശോധനയ്ക്കു തീരുമാനിച്ചത്. നൂറോളം അക്കൗണ്ടുകളില്‍ ഞെട്ടിക്കുന്ന നിക്ഷേപങ്ങളാണുള്ളത്. ആദായനികുതി വകുപ്പ് ഉദ്യോഗസ്ഥര്‍ െകെമാറിയ വിവരങ്ങളുടെ അടിസ്ഥാനത്തില്‍ എന്‍ഫോഴ്‌സ്‌മെന്റ് വിഭാഗം അന്വേഷണം തുടങ്ങി. സംശയനിഴലിലുള്ള നിക്ഷേപകരെ ഉടന്‍ ചോദ്യം ചെയ്യും. എന്നാണ് പത്രം റിപ്പോര്‍ട്ട് ചെയ്തിരിക്കുന്നത്. ഇതോടെ തലസ്ഥാന ജില്ലയില്‍ നിന്നുള്ള മന്ത്രിയാണിതെന്നുള്ള ആഭ്യൂഹങ്ങളും ഇപ്പോള്‍ ശക്തമായിരിക്കുകയാണ്. ഇതോടെ സഹകരണ വിഷയത്തില്‍ വന്‍പ്രതിഷേധം ഉയര്‍ത്തുന്ന സിപിഎമ്മിന്റെ ഇരട്ടത്താപ്പ് നയമെന്ന വിഷയവുമായി ബിജെപി നേതാക്കള്‍ എത്തുകയാണ്. കേരളത്തിന്റെ സമരം പൊള്ളയെന്നും സിപിഎമ്മിന് ഒളിക്കാന്‍ പലതുമുണ്ടെന്ന കുമ്മനത്തിന്റെ നിലപാടിനും ശക്തിലഭിക്കും. കോണ്‍ഗ്രസിന്റെ തളര്‍ച്ചയില്‍ സജീവ പ്രതിപക്ഷം തെങ്ങളാണെന്ന ബിജെപിയുടെ വാദത്തിനും ഊര്‍ജ്ജം പകരും. എന്നാല്‍ വിഷയത്തില്‍ സിപിഎം മൗനം ഭജിക്കുകയാണ്. എന്നാല്‍ കേന്ദ്രത്തിന്റെ കൈയ്യിലുള്ള ഏജന്‍സികളെ ഇറക്കി സിപിഎമ്മിനെ പ്രതിക്കൂട്ടിലാക്കാനുള്ള തുറുപ്പുചീട്ടായാണ് ബിജെപി ഇതിനെ കാണുന്നത്.
നവംബര്‍ എട്ടിനു രാത്രി എട്ടിനാണ് പ്രധാനമന്ത്രി നരേന്ദ്ര മോഡി നോട്ട് പിന്‍വലിക്കല്‍ തീരുമാനം പ്രഖ്യാപിച്ചത്. ജില്ലയില്‍ സായാഹ്‌ന ശാഖകളുള്ള ബാങ്കുകളില്‍ അന്നു രാത്രി വന്‍തോതില്‍ നിക്ഷേപവും കറന്‍സിമാറ്റവും നടന്നു. ഇതു സംശയകരമാണെന്നു വിലയിരുത്തിയാണ് ബാങ്ക് ശാഖകളിലെ ഇടപാടുകള്‍ പരിശോധിക്കാന്‍ തീരുമാനിച്ചത്. ചില ശാഖകളില്‍ ജീവനക്കാരുടെ ഒത്താശയോടെയായിരുന്നു ഇടപാടുകള്‍. രാത്രി വൈകിയാണ് പല ശാഖകളും അടച്ചത്. മന്ത്രിയുടെയും അദ്ദേഹത്തിന്റെ അനുയായികളുടെയും അക്കൗണ്ടുകളും നിക്ഷേപങ്ങളും സൂക്ഷ്മ പരിശോധനയ്ക്കു വിധേയമാക്കുകയാണ്. ചില റിയല്‍ എസ്‌റ്റേറ്റ് ബിസിനസുകാരുടെ നിക്ഷേപങ്ങളും ഇക്കൂട്ടത്തില്‍ പരിശോധിക്കുന്നുണ്ട്. കോടികളുടെ കള്ളപ്പണം നിക്ഷേപമാണ് തലസ്ഥാനത്തെ ബാങ്കില്‍ നിന്നു കണ്ടെടുത്തത്. മന്ത്രിയുടെ പേരിലും ബിനാമി പേരിലും തിട്ടപ്പെടുത്താന്‍ കഴിയാത്ത തരത്തിലുള്ള നിക്ഷേപമാണുള്ളതെന്ന് ആദായനികുതി വകുപ്പിലെ ഉദ്യോഗസ്ഥര്‍ പറയുന്നു. ബാങ്കില്‍ ആദായനികുതി വകുപ്പും എന്‍ഫോഴ്‌സ്‌മെന്റും നടത്തിയ മിന്നല്‍ പരിശോധനയിലാണ് കോടിക്കണക്കിനു രൂപയുടെ അവിഹിത നിക്ഷേപം കണ്ടെത്തിയത്. വിശദമായ പരിശോധന തുടരുകയാണ്.
വിഷയത്തില്‍ സിപിഎം വെള്ളംകുടിക്കുമെന്ന കാര്യത്തില്‍ തര്‍ക്കമില്ല. അതേ സമയം ഇനി പ്രധാനമന്ത്രിയുമായി ചര്‍ച്ചയില്ലെന്നും സഹകരണ വിഷയത്തില്‍ സുപ്രീംകോടതിയെ സമീപിക്കുമെന്നും ധനമന്ത്രി വ്യക്തമാക്കി.
https://www.facebook.com/Malayalivartha
