ബാര്‍ നര്‍ത്തകിയോടൊപ്പം കിടക്ക പങ്കിട്ടു; മലയാളി യുവാവ് മുങ്ങിയത് രണ്ടര ലക്ഷം രൂപയുമായി: യുവാവിനെ തിരക്കി ബാര്‍ ഡാന്‍സര്‍ കാസര്‍കോട്
ചതിക്കു ചതി തേപ്പിന് തേപ്പിന് തേപ്പ് അതാണ് ഇന്നത്തെ ലോകം. ബാറില്‍ ഡാന്‍സ് ചെയ്ത യുവതി സമ്പാദിച്ച രണ്ടര ലക്ഷം രൂപയുമായി മലയാളി യുവാവ് മുങ്ങി. രണ്ടു വര്‍ഷത്തിലേറെയായി യുവതിയുമായി ലൈംഗിക ബന്ധത്തില്‍ ഏര്‍പ്പെട്ട ശേഷമായിരുന്നു മലയാളി ഇവരെ പറ്റിച്ച് പണവുമായി മുങ്ങിയത്. മഹാരാഷ്ട്ര ഉല്ലാസ് നഗര്‍ സ്വദേശിനിയുടെ പണവുമായാണ് കാസര്‍കോട് സ്വദേശിയായ അമ്പതുകാരന്‍ സ്ഥലംവിട്ടത്. ഒരാഴ്ച മുമ്പാണ് സംഭവം. ഇയാളെ അന്വേഷിച്ച് യുവതി കാസര്‍ഗോഡെത്തി. ടൗണ്‍ പോലീസില്‍ പരാതിയും നല്കി.
സംഭവത്തിന്റെ പിന്നാമ്പുറ രഹസ്യം ഇങ്ങനെയാണ്. വര്‍ഷങ്ങളായി മുംബൈയില്‍ താമസിക്കുന്ന അമ്പതുകാരനാണ് കഥയിലെ വില്ലന്‍. മഹാരാഷ്ട്ര ഉല്ലാസ് നഗറില്‍ ഗസ്റ്റ് ഹൗസിന്റെ മേല്‍നോട്ടം വഹിച്ചുവരികയായിരുന്ന ഇയാള്‍. തൊട്ടടുത്ത വീട്ടില്‍ താമസിക്കുന്ന ബാര്‍ നര്‍ത്തകിയുമായി ഇയാള്‍ അടുപ്പത്തിലാവുകയായിരുന്നു. ഭര്‍ത്താവും ഒരു കുട്ടിയുമുണ്ട് യുവതിക്ക്. പ്രണയം തലയ്ക്കു പിടിച്ചതോടെ യുവതി ഭര്‍ത്താവിനെയും കുട്ടിയെയും ഉപേക്ഷിച്ച് കാസര്‍കോട് സ്വദേശിക്കൊപ്പം പോയി. ഉല്ലാസ് നഗറിലെ വാടകവീട്ടില്‍ രണ്ടുവര്‍ഷം മുമ്പ് ഒരുമിച്ച് താമസവും തുടങ്ങി. യുവതി ബാറിലെ ഡാന്‍സ് ജോലി ഉപേക്ഷിച്ചതുമില്ല.
കഴിഞ്ഞയാഴ്ച്ച യുവതി ഡാന്‍സ് ബാറില്‍ പോയ സമയത്ത് കാസര്‍ഗോഡുകാരന്‍ വീട്ടിനകത്ത്‌സൂക്ഷിച്ചിരുന്ന പണവുമായി സ്ഥലം വിടുകയായിരുന്നു. ബാറിലെ നൃത്തം കഴിഞ്ഞ് വീട്ടില്‍ തിരിച്ചെത്തിയ യുവതി അലമാര പരിശോധിച്ചപ്പോഴാണ് പണം നഷ്ടപ്പെട്ടതായി അറിഞ്ഞത്. വഞ്ചിക്കപ്പെട്ടതായി ബോധ്യപ്പെട്ട യുവതി കാമുകനെ കണ്ടുപിടിക്കാനാണ് കാസര്‍ഗോഡെത്തിയത്. വീട് കാസര്‍ഗോഡാണെന്നു മാത്രമാണ് യുവതിക്ക് അറിയാവുന്നത്. ആളെ തിരിച്ചറിയാന്‍ ആകെയുള്ളത് ഒപ്പമുള്ള ഒരു സെല്‍ഫി മാത്രമാണ്. ആളെ കിട്ടിയാല്‍ അറിയിക്കാമെന്ന് പോലീസ് പറഞ്ഞെങ്കിലും പണം കിട്ടാതെ മടങ്ങില്ലെന്ന തീരുമാനത്തിലാണ് യുവതി.
https://www.facebook.com/Malayalivartha
