കെ.എം.മാണിക്കെതിരെ കുറ്റപത്രം സമര്പ്പിക്കാന് വിജിലന്സ് ഉന്നതന് തരംതാണ കളികള് കളിക്കുന്നു; കടുത്ത പ്രതിഷേധവുമായി അന്വേഷണോദ്യോഗസ്ഥര് കൂട്ട അവധിയിലേക്ക്
ബാര് കോഴകേസില് കെ.എം.മാണിക്കെതിരെ അടിയന്തിരമായി കുറ്റപത്രം സമര്പ്പിക്കണമെന്ന് ഉദ്യോഗസ്ഥരുടെമേല് ഉന്നതതല സമ്മര്ദ്ദം. എസ്.പി.സുകേശന്റെ അനാവശ്യ ഇടപെടലുകളും ഡയറക്ടര്ക്ക് കേസിലുളള പ്രത്യേക താത്പര്യവും മൂലും കേസന്വേഷിച്ചിരുന്ന ഡി.വൈ.എസ്.പി നജ്മല് ഹസന് ദീര്ഘകാല അവധിയില് പ്രവേശിച്ചിരുന്നു. എങ്ങനെയും കെ.എം.മാണിക്കെതിരെ കുറ്റപത്രം സമര്പ്പിക്കണമെന്ന വാശി ഉന്നതതലത്തില് നിന്നുണ്ടാകുന്നത് സ്വാതന്ത്രമായ അന്വേഷണത്തെ ബാധിക്കുന്നു. നജ്മല് ഹസനു പിന്നാലം അന്വേഷണസംഘത്തിലെ മറ്റ് ഉദ്യോഗസ്ഥരും ഇപ്പോള് അവധിക്കുളള തയ്യാറെടുപ്പിലാണ്.
വേണ്ടത്ര തെളിവുകള് ഇല്ലാത്ത കേസില് ഉടന് കുറ്റപത്രം സമര്്പ്പിക്കാന് അന്വേഷണ സംഘത്തോട് ഇക്കഴിഞ്ഞ ദിവസം നിര്ദേശിച്ചിരുന്നു. തെളിവുകള് ഇല്ലെന്ന വസ്തുതകള് നിരത്തി അന്വേഷണസംഘം വിജിലന്സ് ഉന്നതനെ ബോധ്യപ്പെടുത്താന് ശ്രമിച്ചെങ്കിലും അതൊന്നും തനിക്കറിയണ്ടെന്നും കുറ്റപത്രം ഉടന് സമര്പ്പിക്കണമെന്നുമായിരുന്നു നിര്ദേശം. ഇതേതുടര്ന്ന് പലരും അവധിയെടുക്കാന് ഒരുങ്ങുന്നതായാണ് റിപ്പോര്ട്ട്.
ബാര്കേസില് രണ്ടാംവട്ട തുടരന്വേഷണം അനുവദിച്ച വിജിലന്സ് കോടതി ഉത്തരവിനെതിരെ മുന്മന്ത്രി കെ.എം.മാണി സമര്പ്പിച്ച ഹര്ജി പരിഗണിച്ച ഹൈക്കോടതി ചില വിമര്ശനങ്ങള് ഉന്നയിച്ചിരുന്നു. അന്വേഷണ ചുമതലയുളള ഉദ്യോഗസ്ഥനു പകരം നേരത്തേ കേസ് അന്വേഷിച്ച എസ്പി.ആര്.സുകേശന് റിപ്പോര്ട്ട് നല്കിയതിനെ കോടതി വിമര്ശിച്ചു. കേസില് സുകേശനുളള താല്പര്യത്തില് സംശയവും ഉന്നയിച്ചു. തുടര്ന്നാണ് എത്രെയും പെട്ടെന്നു കുറ്റപത്രം സമര്പ്പിക്കാന് നിര്ദേശം വന്നത്.
ബാര്കേസ് അന്വേഷണചുമതലയുളള ഡിവൈഎസ്പി നജ്മുല് ഹസന് കഴിഞ്ഞ ഡിസംബര് 13 മുതല് മെഡിക്കല് അവധിയിലാണ്. ഒരു മാസത്തിനുശേഷം രണ്ടാഴ്ചകൂടി അവധിക്കപേക്ഷിച്ചപ്പോള് ഇത് നാടകമാണെന്നായിരുന്നു ഡയറക്ടറുടെ പ്രതികരണം. അവധി അപേക്ഷ മെഡിക്കല് ബോഡിന് വിടാനും നര്ദേശിച്ചു. ഫെബ്രുവരി 20 ന് എസ്പി. സുകേശന് ഈ അപേക്ഷ മെഡിക്കല് ബോഡിന് വിട്ടു. അതോടെ താന് ആറുമാസത്തെ ശമ്പളമില്ലാത്ത അവധിയില് പ്രവേശിക്കുകയാണെന്ന് നജ്മുല് ഹസന് വിജിലന്സിനെ അറിയിച്ചു. കേസ് അന്വേഷണത്തിന് മേല്നോട്ടം വഹിച്ചിരുന്ന മേഖല എസ്പി ഇതിനിടെ വിരമിക്കുകയും ചെയ്തു. തുടര്ന്ന് പുതിയ അന്വേഷണസംഘത്തെ ആവശ്യപ്പെട്ട് ഡയറക്ടര് സര്ക്കാരിലേക്ക് കത്തെഴുതി.
എസ്.പി. സുകേശനും ബിജുരമേശുമായുളള ബന്ധവും ഏറെ ചര്ച്ചയായതാണ്. സുകേശന് കെ.എം.മാണിയെ കുടുക്കാന് അന്വേഷണത്തിനിടയില് നടത്തിയ നിരവധി നാടകങ്ങള് കോടതിയില് കടുത്ത വിമര്ശനങ്ങള്ക്കിടവരുത്തിയിരുന്നു. വിജിലന്സ് ഡയറക്ടര്ക്ക് തന്നോട് വ്യക്തിപരമായ വിരോധമുണ്ടെന്ന് പലവട്ടം കെ.എം.മാണി പറഞ്ഞതാണ്. മാണിയെകുടുക്കാന് ഏതറ്റുംവരെ പോകാനും ഡയറക്ടര് തുനിയുമെന്ന് അന്വേഷണ ടീമിലെ ഒരുദ്യോഗസ്ഥന് പ്രമുഖമാധ്യമ പ്രവര്ത്തകനോട് വെളിപ്പെടുത്തിയിരുന്നു.
https://www.facebook.com/Malayalivartha
