മനുഷ്യ മനസാക്ഷിയെ ഞെട്ടിക്കുംവിധം അരും കൊലയും പീഡനവും റേപ്പും നടമാടുന്ന കൊല്ലം ജില്ലയ്‌ക്കെതിരെ സോഷ്യല്‍ മീഡിയ. സ്ഥലം ചോദിക്കുമ്പോള്‍ കൊല്ലം എന്നു പറയാനായി നാട്ടുകാര്‍ മടിക്കുന്നുവെന്നാണ് റിപ്പോര്‍ട്ടുകള്‍. കാരണം കൊല്ലമെന്നു കേള്‍ക്കുമ്പോഴേ അവിടെ എന്താണ് നടക്കുന്നത്. അവിടെ മനുഷ്യന്‍മാരല്ലേ ജീവിക്കുന്നതെന്ന ചോദ്യമെത്തുന്നതാണ് എല്ലാവരെയും വിഷമത്തിലാക്കുന്നത്. കാരണം മുത്തച്ഛന്‍ പേരക്കുട്ടിയോട് കാണിച്ച ക്രൂരത കേട്ടിട്ടാണ് ഏവരും മൂക്കത്ത് വിരല്‍വെച്ചു പോകുന്നത്. മുത്തച്ഛന്‍ വികിടറിനെതിരെ പുതിയതായി രണ്ടു കേസുകളാണ് പുതിയതായി ഇന്ന് രജിസ്റ്റര്‍ ചെയ്ത് അന്വേഷണം തുടങ്ങിയിരിക്കുന്നത്. 13 കാരിയെ പീഡിപ്പിച്ച കേസും 14 കാരനെ കൊന്ന കേസിലും. എന്നിട്ടും യാതൊരു പ്രശ്‌നങ്ങളുമില്ലാതെ പ്രതികള്‍ നിര്‍ബാധം കൊല തുടര്‍ന്നുവെന്നത് അത്യന്തം ഹീനം തന്നെയാണ്. 
ഇന്ന് കൊല്ലത്തു നിന്നും മറ്റൊരു കൂട്ടബലാത്സംഗക്കേസാണ് റിപ്പോര്‍ട്ട് ചെയ്തിരിക്കുന്നത്.
കൊല്ലത്ത് ബാലതാരത്തെ കൂട്ടബലാത്സംഗം ചെയ്‌തെന്ന പരാതിയില്‍ ഒരാളെ പൊലീസ് കസ്റ്റഡിയിലെടുത്തു. സംഭവത്തില്‍ അഞ്ചിലധികം പേര്‍ കുറ്റക്കാരാണെന്നാണ് സൂചന. 18 നാണ് പൊലീസിനു പരാതി നല്‍കിയത്. ഹ്രസ്വസിനിമയില്‍ അഭിനയിച്ച പെണ്‍കുട്ടിയെയാണ് കൂട്ടബലാത്സംഗം ചെയ്തത്. സംഭവവുമായി ബന്ധപ്പെട്ട് ഒരു രാഷ്ട്രീയ നേതാവിന്റെ മകനെ പൊലീസ് കസ്റ്റഡിയിലെടുത്തു. സിനിമയില്‍ അഭിനയിക്കാനെന്ന് പറഞ്ഞു സീരിയല്‍ നടിയാണ് പെണ്‍കുട്ടിയെ കൂട്ടിക്കൊണ്ടുപോയത്. പരാതിയില്‍ അന്വേഷണം ആരംഭിച്ചില്ലെന്ന് ആക്ഷേപം . 18ന് പരാതി നല്‍കിയിട്ടും അന്വേഷണം തുടങ്ങിയില്ലെന്ന് പരാതി. സിനിമയില്‍ അഭിനയിപ്പിക്കാമെന്ന് പറഞ്ഞ് പതിനാലുകാരിയെ കൂട്ടിക്കൊണ്ടു പോയി ബലാത്സംഗം ചെയ്തുവെന്നാണ് പരാതി. പ്രതിയുടെ രാഷ്ട്രീയ സ്വാധീനം കാരണം ഇതുവരെ അന്വേഷണം തുടങ്ങിയില്ലെന്ന് ബന്ധുക്കള്‍ പരാതിപ്പെടുന്നു.
കൊല്ലത്തു തന്നെ ഭര്‍ത്താവിനെ കൊല്ലാന്‍ ഭാര്യ കൂട്ടു നിന്നതും തെല്ലു ഞെട്ടലോടെയാണ് കേരളക്കര കേട്ടിരുന്നത്. തുടര്‍ച്ചയായി പീഡനം കേട്ടതോടെ കൊല്ലം വഴി പോകാന്‍ പോലും പേടിയെന്നാണ് ട്രോളുകള്‍ എത്തിയിരിക്കുന്നത്. നിരവിധിക്കേസുകള്‍ എത്തിയതോടെ ഒരു ജില്ല അപ്പാടെ ആരോപണത്തിന്റെ വക്കിലാണ്. ഇതിനെല്ലാം കുടപിടിക്കുന്നതും ഒത്താശ ചെയ്യുന്നതും സ്വന്തം വീട്ടുകാരെന്നതാണ് അതിക്രൂരവും പൈശാചികവുമായ സംഭവം. ഇതില്‍ ആളുകള്‍ ഏറ്റവും പഴി പറഞ്ഞത് ആദ്യം പോലീസിനെ ആയിരുന്നെങ്കിലും ശ്കതമായ മാധ്യമറിപ്പോര്‍ട്ടുകള്‍ വന്നതോടെ പോലീസ് ഉണര്‍ന്നെഴുന്നേല്‍ക്കുന്ന കാഴ്ച്ചയാണ് കണ്ടത്. പണ്ടെല്ലാം ഇത്തരം ചെറിയ സംഭവങ്ങള്‍ ഉണ്ടായാല്‍ അവിടെ ഇടപെടാന്‍ രാഷ്ട്രീയത്തിനതീതമായി നല്ല ചെറുപ്പക്കാര്‍ നാടുകളില്‍ ഉണ്ടായിരുന്നു. അവര്‍ മതിയായിരുന്നു കാര്യങ്ങള്‍ അടിച്ചൊതുക്കാന്‍. ഇന്ന് കാര്യങ്ങള്‍ മാറി ലോകത്തു നടക്കുന്നതെല്ലാം അറിയാമെങ്കിലും സ്വന്തം നാട്ടിലെയും വീട്ടിലെയും കാര്യങ്ങള്‍ അരിയാതെ മൊബൈല്‍ ജീവിതങ്ങളായി യുവാക്കള്‍ മാറിയതും നാടിനെ അപ്പാടെ ബാധിച്ചിരിക്കുന്നു. എന്നാല്‍ ചിലര്‍ കാണിച്ച കുറ്റത്തിന് ബാക്കിയുള്ളവര്‍ എന്തുപിഴച്ചുവെന്നാണ് മറുവാദക്കാരുടെ ചോദ്യം.