മദ്യശാലയ്‌ക്കെതിരെ സമരം: ഹൈബി ഈഡനും സമരക്കാര്‍ക്കുമെതിരെ മൂത്രം തളിച്ചു
വൈറ്റിലയിലെ കണ്‍സ്യൂമര്‍ ഫെഡിന്റെ വിദേശ മദ്യശാല പൊന്നുരുന്നി ചെട്ടിച്ചിറയിലേക്ക് മാറ്റി സ്ഥാപിക്കുന്നതില്‍ പ്രതിഷേധിച്ച് നടത്തിയ സമരത്തിനിടെ സംഘര്‍ഷം. ഔട്ട്‌ലെറ്റ് ജനവാസ കേന്ദ്രത്തില്‍ സ്ഥാപിക്കുന്നതിനെതിരെ ഹൈബി ഈഡന്‍ എംഎല്‍എയുടെ നേതൃത്വത്തില്‍ ഇന്ന് രാവിലെ മുതല്‍ ഉപരോധസമരം നടന്നുവരികയായിരുന്നു. ഔട്ട്‌ലെറ്റിന്റെ ഷട്ടറിടാന്‍ സമരക്കാര്‍ തുടങ്ങിയതോടെ ജീവനക്കാര്‍ തടയാന്‍ രംഗത്തുവന്നു. ഇതിനിടെ എംഎല്‍എയ്ക്കും സമരക്കാര്‍ക്കും എതിരെ ജീവനക്കാര്‍ മൂത്രം കുപ്പിയിലാക്കി തളിച്ചത് വന്‍ പ്രതിഷേധത്തിന് ഇടയാക്കി.
മൂത്രം തളിച്ചതോടെ സംഘര്‍ഷം രൂക്ഷമായി. നാട്ടുകാരും കണ്‍സ്യൂമര്‍ഫെഡ് ജീവനക്കാരും തമ്മില്‍ ഉന്തും തള്ളുമുണ്ടായി. സംഘര്‍ഷം രൂക്ഷമായതാടോ പോലീസ് ഇടപെട്ട് സമരക്കാരെ കെട്ടിടത്തില്‍ നിന്നും ഒഴിപ്പിച്ചു.
മൂത്രം തളിച്ച ജീവനക്കാരെ പുറത്താക്കണെന്ന് സമരക്കാര്‍ ആവശ്യപ്പെട്ടു. ജനവാസമുള്ള പ്രദേശത്ത് ആംഗന്‍വാടിയുടെ സമീപത്തായി തുടങ്ങാന്‍ പോകുന്ന പുതിയ ഔട്ട്‌ലെറ്റ് മാറ്റണമെന്നാണ് സമരക്കാരുടെ ആവശ്യം.
https://www.facebook.com/Malayalivartha
