കെ എസ് ആര് ടി സിയില് വിദ്യാര്ത്ഥികളുടെ യാത്ര ഇളവ് പുനഃസ്ഥാപിക്കാന് ഹൈക്കോടതി
കെഎസ്ആര്ടിസി ബസുകളില് വിദ്യാര്ത്ഥികളുടെ യാത്രാ ഇളവ് പുന:സ്ഥാപിക്കണമെന്ന് ഹൈക്കോടതി. വിദ്യാര്ത്ഥി സംഘടനയായ എംഎസ്എഫ് നല്കിയ ഹര്ജിയിലാണ് ഹൈക്കോടതിയുടെ ഉത്തരവ്.
എല്ലാ സ്വാശ്രയ കോളേജ്, അണ്എയ്ഡഡ് വിദ്യാര്ത്ഥികള്ക്കും ഇളവ് നല്കണമെന്നും കോടതി നിര്ദേശിച്ചു. മറ്റു വിദ്യാര്ത്ഥികളെ പോലെ തന്നെ സ്വാശ്രയ, അണ് എയ്ഡഡ് കോളേജ് വിദ്യാര്ത്ഥികള്ക്കും യാത്ര ഇളവിന് അര്ഹതയുണ്ടെന്നും കോടതി വ്യക്തമാക്കി. യാത്രാ ഇളവ് ആവശ്യമുള്ള സ്വാശ്രയ വിദ്യാര്ത്ഥികള് ഉടന് അപേക്ഷ സമര്പ്പിക്കണമെന്നും കോടതി പറഞ്ഞു.
വിദ്യാര്ത്ഥികളുടെ അപേക്ഷ സ്വീകരിച്ച്, അര്ഹതയുള്ള വിദ്യാര്ത്ഥികള്ക്ക് എത്രയും പെട്ടെന്ന് യാത്ര ഇളവ് അനുവദിക്കണമെന്ന് കെഎസ്ആര്ടിസിക്ക് ഹൈക്കോടതി നിര്ദേശം നല്കിയിട്ടുണ്ട്.
വിദ്യാര്ത്ഥികളുടെ യാത്രാ ഇളവ് റദ്ദാക്കിയ കെഎസ്ആര്ടിസിയെ കോടതി വിമര്ശിച്ചു. ഈ അദ്ധ്യയന വര്ഷം മുതല് സംസ്ഥാനത്തെ സ്വാശ്രയ, അണ്എയ്ഡഡ് വിദ്യാഭ്യാസ സ്ഥാപനങ്ങളിലെ വിദ്യാര്ത്ഥികള്ക്ക് കണ്സഷന് നല്കില്ലെന്നായിരുന്നു കെഎസ്ആര്ടിസി അറിയിച്ചിരുന്നത്.
കടുത്ത സാമ്പത്തിക പ്രതിസന്ധിയാണ് തീരുമാനത്തിന് കാരണമെന്നും കെഎസ്ആര്ടിസി വ്യക്തമാക്കിയിരുന്നു. എന്നാല് കെഎസ്ആര്ടിസിയുടെ വിദ്യാര്ത്ഥി വിരുദ്ധ തീരുമാനത്തിനെതിരെ എംഎസ്എഫ്,കെഎസ് യു,എബിവിപി പ്രതിപക്ഷ വിദ്യാര്ത്ഥി സംഘടനകള് പ്രതിഷേധമറിയിച്ചിരുന്നു. എംഎസ്എഫാണ് കെഎസ്ആര്ടിസി തീരുമാനത്തിനെതിരെ ഹൈക്കോടതിയെ സമീപിച്ചത്.
https://www.facebook.com/Malayalivartha