വില്ലേജ് ഓഫീസില് എത്തുന്നവരെ രണ്ട് തവണയില് കൂടുതല് വരുത്തരുതെന്ന് ഉത്തരവുമായി റവന്യു വകുപ്പ്
ചെമ്പനോട വില്ലേജ് ഓഫീസില് കര്ഷകന് ആത്മഹത്യ ചെയ്തത പശ്ചാത്തലത്തില് ഉദ്യോഗസ്ഥര്ക്ക് കര്ശന നിര്ദേശം നല്കി റവന്യു വകുപ്പിന്റെ ഉത്തരവ്. വിവിധ ആവശ്യങ്ങള്ക്കായി വില്ലേജ് ഓഫീസില് എത്തുന്നവരെ രണ്ടു തവണയില് കൂടുതല് വരുത്തരുതെന്ന് ലാന്ഡ് റവന്യു കമ്മിഷണര് അറിയിച്ചു. സര്വെ ചെയ്തിട്ടില്ലാത്ത ഭൂമിയുടെ നികുതി താത്കാലികമായി ഈടാക്കാവുന്നതാണെന്ന് സര്ക്കുലറില് പറയുന്നു.
നിയമപരമായി ഭൂനികുതി സ്വീകരിക്കാന് കഴിയുന്നതാണെങ്കില് അപ്പോള് തന്നെ കരം സ്വീകരിച്ചു രസീത് നല്കണം. എന്തെങ്കിലും കാരണത്താല് നികുതി സ്വീകരിക്കാന് കഴിയാതെ വന്നാല് അടുത്ത ദിവസം സ്വീകരിച്ചു രസീത് നല്കണം.
കരം നിരസിക്കാന് കാരണമുണ്ടെങ്കില് അക്കാര്യം രേഖപ്പെടുത്തി ഭൂവുടമയെ അറിയിക്കണം. ഇതു സംബന്ധിച്ച ആക്ഷേപം ഏതു തഹസില്ദാര്ക്കു നല്കണമെന്നു വ്യക്തമായി അറിയിക്കണം. തഹസില്ദാര് ഇക്കാര്യം പരിശോധിച്ചു ബന്ധപ്പെട്ടവരെ അറിയിക്കണം. കരം അടയ്ക്കല് വേഗത്തിലാക്കുന്നതിന്റെ ഭാഗമായിട്ടാണു നടപടി.
https://www.facebook.com/Malayalivartha
