അമ്മയെ ക്ഷണിച്ചു പക്ഷെ ഇരയാകേണ്ടി വന്നത് മകളും; ഒടുവില് സംഭവിച്ചത്...
പ്രായപൂര്ത്തിയാകാത്ത പെണ്കുട്ടിയെ പീഡിപ്പിക്കാന് അവസരമൊരുക്കിയ ഫ്ലാറ്റുടമയെ ജില്ലാ ക്രൈംബ്രാഞ്ച് അറസ്റ്റ് ചെയ്തു. ഇരവിപുരം സുനാമി ഫ്ലാറ്റിലെ സിമിയോണ് എന്ന റിച്ചു (27) ആണ് പിടിയിലായത്. ഇയാളുടെ ഫ്ലാറ്റില് വച്ച് കുരീപ്പുഴ സ്വദേശിനിയായ പെണ്കുട്ടിയെ പീഡിപ്പിച്ച വാവി എന്ന് വിളിക്കുന്ന വിഷ്ണുവിനായി അന്വേഷണം ശക്തമാക്കി. പീഡനത്തിനിരയായ പെണ്കുട്ടിയുടെ അമ്മയുടെ സുഹൃത്താണ് വിഷ്ണു.
അമ്മയെ വിഷ്ണു വീട്ടിലേക്ക് ക്ഷണിച്ചപ്പോള് അവര് മകളെയും ഒപ്പം കൂട്ടി. ഇരുവരെയും രാത്രിയില് സിമിയോണിന്റെ ഫ്ലാറ്റില് താമസിപ്പിച്ച ശേഷമാണ് പെണ്കുട്ടിയെ പീഡിപ്പിച്ചത്. അനുജത്തിയെയും മകളെയും കാണാനില്ലെന്ന് കാട്ടി പെണ്കുട്ടിയുടെ വലിയമ്മ പൊലീസില് നല്കിയ പരാതിയെ തുടര്ന്ന് നടത്തിയ അന്വേഷണത്തിലാണ് സിമിയോണ് അറസ്റ്റിലായത്. പരാതിയില് അസ്വാഭാവികത തോന്നിയ സിറ്റി പൊലീസ് കമ്മിഷണര് എസ്. അജിതാബീഗം കേസ് ക്രൈം ബ്രാഞ്ചിന് കൈമാറുകയായിരുന്നു. ക്രൈം ബ്രാഞ്ച് എ.സി.പി എ. അശോകന്റെ നേതൃത്വത്തിലാണ് സിമിയോണിനെ അറസ്റ്റ് ചെയ്തത്.
https://www.facebook.com/Malayalivartha
