സ്വയം പ്രതിരോധിച്ച് ദിലീപ് അവസാനം കുഴിയില്‍ ചാടി. നടിക്കെതിരെ റിപ്പോര്‍ട്ടര്‍ ചാനലില്‍ നല്‍കിയ ഇന്റര്‍വ്യൂവാണ് വിവാദമായത്. നടന്‍ ലാല്‍ പറഞ്ഞു എന്ന് പറഞ്ഞാണ് ദിലീപ് പരാമര്‍ശം നടത്തിയത്. എന്നാല്‍ ലാലും അത് തള്ളിപ്പറഞ്ഞു. 

പ്രമുഖ നടിയെ ആക്രമിച്ച കേസിലെ പ്രതി പള്‍സര്‍സുനിയും നടിയും സുഹൃത്തുക്കളായിരുന്നുവെന്നാണ് ദിലീപ് പറഞ്ഞത്. റിപ്പോര്‍ട്ടര്‍ ചാനലിലെ ന്യൂസ് നൈറ്റ് പരിപാടിയില്‍ പങ്കെടുക്കുകയായിരുന്നു അദ്ദേഹം. പള്‍സര്‍ സുനി എഴുതിയ കത്തിനേപ്പറ്റിയും ഫോണ്‍കോളിനേപ്പറ്റിയുമുള്ള വിവാദങ്ങള്‍ കത്തിനില്‍ക്കുമ്പോഴാണ് ഇരുവരും സുഹൃത്തുക്കളാണെന്ന ദിലീപിന്റെ പ്രതികരണം.

നടിയും പള്‍സര്‍ സുനിയും ഒരുമിച്ച് നടന്ന ആളുകളാണെന്നും അദ്ദേഹം പറഞ്ഞു. ഇരുവരും സുഹൃത്തുക്കളായിരുന്നു. ആരോടൊക്കെ കൂട്ടുകൂടണമെന്ന് സൂക്ഷിച്ച് സംസാരിക്കണം. എനിക്ക് ഇത്തരം ആളുകളുമായി കൂട്ടില്ല. ഇവര്‍ ഒരുമിച്ച് ഗോവയിലൊക്കെ വര്‍ക്ക് ചെയ്തിട്ടുണ്ട്. ദിലീപ് പറഞ്ഞു. ഇക്കാര്യങ്ങള്‍ എങ്ങനെയറിയാം എന്നുചോദിച്ചപ്പോള്‍ സംവിധായകന്‍ ലാലാണ് പറഞ്ഞതെന്നും നടന്‍ അറിയിച്ചു.

പള്‍സര്‍ സുനിയുടെ മൊഴി പൊലീസ് വീണ്ടുമെടുത്തിരുന്നു. മൊഴിയെടുത്തപ്പോള്‍ കത്തില്‍ പറഞ്ഞിരുന്ന കാര്യങ്ങള്‍ സുനി ആവര്‍ത്തിച്ചു. എന്നാല്‍ കത്തിന്റെ ശൈലി പള്‍സര്‍ സുനിയുടേതല്ല എന്നാണ് സുനിയുടെ അഭിഭാഷകനും പൊലീസും പറയുന്നത്.