'പ്രതികാര ബുദ്ധിയെന്ന തൊപ്പി ചേരുക സെന്കുമാറിന്; എന്റെ നിര്ദേശപ്രകാരമല്ല സെന്കുമാറിനെ മാറ്റിയത്'; ആരോപണങ്ങള്ക്ക് മറുപടിയുമായി പി ജയരാജന്
സെന്കുമാറിന്റെ ആരോപണങ്ങള്ക്ക് മറുപടിയുമായി സിപിഐഎം കണ്ണൂര് ജില്ലാ സെക്രട്ടറി പി ജയരാജന്. തന്റെ നിര്ദേശപ്രകാരമല്ല സെന്കുമാറിനെ മാറ്റിയത്. പ്രതികാര ബുദ്ധിയെന്ന തൊപ്പി ചേരുക സെന്കുമാറിനാണ്. തനിക്ക് സെന്കുമാറിനോട് ശ്ത്രുതയോ വൈരാഗ്യമോ ഇല്ലന്നും യുഡിഎഫ് കാലത്തെ രാഷ്ട്രീയ ദൗത്യം ഏറ്റെടുത്തയാളാണ് സെന്കുമാറെന്നും ജയരാജന് പറഞ്ഞു.
എല്ഡിഎഫ് സര്ക്കാര് അധികാരത്തില് വന്നതിന് ശേഷം തന്നെ ഡിജിപി അധികാര സ്ഥാനത്തുനിന്ന് മാറ്റിയത് സിപിഎം കണ്ണൂര് ജില്ലാ സെക്രട്ടറി പി.ജയരാജന് പറഞ്ഞിട്ടാകാമെന്നും ടിപി സെന്കുമാര് പറഞ്ഞിരുന്നു. സിപിഎമ്മിലെ ചെറിയൊരു വിഭാഗത്തിനു മാത്രമാണ് തന്നോട് പകയുള്ളൂ. ടിപി ചന്ദ്രശേഖരന് വധക്കേസ് അന്വേഷണവുമായി ബന്ധപ്പെട്ട പകയാകാം ഇതിനു കാരണം. ഏറെ വിവാദമായ സര്ക്കാര് നടപടിയെ കുറിച്ച് പ്രതികരിക്കുകയായിരുന്നു അദ്ദേഹം.
പി ജയരാജനുമായി ഇതുവരെ സംസാരിച്ചിട്ടില്ല. സിപിഎമ്മിന്റെ മറ്റു കണ്ണൂര് നേതാക്കളുമായി ബന്ധമുണ്ടെന്നും സെന്കുമാര് പറഞ്ഞു. മുഖ്യമന്ത്രി പിണറായി വിജയനുമായി നല്ല ബന്ധമാണ്. നല്ല രീതിയില് മാത്രമേ അദ്ദേഹം പെരുമാറിയിട്ടുള്ളൂ. പെരുമാറിയിട്ടുള്ളൂ. ചിലരുടെ സമര്ദ ഫലമാകാം തന്നെ സ്ഥാനത്ത് നിന്ന് മാറ്റിയതെന്നും സെന്കുമാര് പറഞ്ഞു.
https://www.facebook.com/Malayalivartha
