വാണിജ്യ നികുതി വകുപ്പില്‍ ഉദ്യോഗസ്ഥര്‍ക്കെതിരെ കൂട്ട നടപടി ഉറപ്പായി. വാണിജ്യ നികുതി പിരിവ്‌ നടത്താതെ മുങ്ങി നടക്കുന്ന ഉദ്യോഗസ്ഥന്‍മാര്‍ക്കാണ്‌ പിടി വീഴുന്നത്‌. സംസ്ഥാനത്തെ വാണിജ്യ നികുതി ചെക്ക്‌ പോസ്റ്റുകളില്‍ രഹസ്യാന്വേഷണ വിഭാഗം നടത്തിയ റെയ്‌ഡില്‍ 2.38 കോടിയുടെ നികുതി വെട്ടിപ്പ്‌ കണ്ടെത്തിയിരുന്നു.
ഒരു വിഭാഗം ഉദ്യോഗസ്ഥര്‍ സര്‍ക്കാരിനെ അട്ടിമറിക്കാനായി നികുതി വെട്ടിപ്പ്‌ നടത്തുന്ന വാര്‍ത്ത ആദ്യം കൊണ്ടു വന്നത്‌ മലയാളി വാര്‍ത്തയാണ്‌. ഇടതുപക്ഷ സംഘടനയിലെ ഉദ്യോഗസ്ഥരാണ്‌ നികുതിവെട്ടിപ്പ്‌ നടത്തുന്നത്‌.
159 കേസുകള്‍ കഴിഞ്ഞ ദിവസം രജിസ്റ്റര്‍ ചെയ്‌തിരുന്നു. ഇതില്‍ ഭൂരിപക്ഷവും പാലക്കാട്‌ ജില്ലയിലാണ്‌. 1.27 കോടിയാണ്‌ പാലക്കാട്‌ നിന്നുംകണ്ടെത്തിയ വെട്ടിപ്പ്‌. വാളയാര്‍ ചെക്കു പോസ്റ്റില്‍ മാത്രം 76 കേസുകളാണ്‌ രജിസ്റ്റര്‍ ചെയ്യപ്പെട്ടത്‌. 7.75 കോടിയുടെ സാധനങ്ങള്‍ വെട്ടിച്ച്‌ കടത്താന്‍ ശ്രമിച്ചു എന്നാണ്‌ കേസ്‌. 24 മണിക്കൂറിനുള്ളില്‍ 1.24 കോടിയുടെ വെട്ടിപ്പ്‌ കണ്ടെത്തിയെങ്കില്‍ പരിശോധന നടക്കാത്ത ദിവസങ്ങളില്‍ എന്ത്‌മാത്രം നടക്കുമെന്ന്‌ കണ്ടറിയാം.
ധനമന്ത്രിയുടെ നിര്‍ദ്ദേശാനുസരണമാണ്‌ റെയ്‌ഡ്‌ നടന്നതെന്നറിയുന്നു. ചെക്ക്‌ പോസ്റ്റുകളില്‍ നിന്നും വേണ്ടത്ര വരുമാനം ലഭിക്കാത്തതിനെ തുടര്‍ന്നാണ്‌ നടപടി ശക്തമാക്കുന്നത്‌. വാണിജ്യ നികുതി കമ്മീഷണര്‍പിഎസ്‌ സോമനാണ്‌ നടപടുകളികള്‍ക്ക്‌ നേതത്വം നല്‍കുന്നത്‌.
അതേസമയം ജീവനക്കാരുടെ സംഘടനകളുടെ ഒത്താശയും വെട്ടിപ്പിന്‌ പിന്നിലുണ്ടെന്ന്‌ അറിയുന്നു. ജീവനക്കാര്‍ തന്നെ വെട്ടിപ്പിന്‌ നേതൃത്വം നല്‍കുന്നു എന്ന്‌ സാരം. അഴിമതിയുടെ കാര്യത്തില്‍ ഇടതു വലതുപക്ഷ വ്യത്യാസമില്ല