എസ്കോര്ട്ട് വാഹനങ്ങള്ക്ക് ഗുരുതര തകരാര്, പോലീസുകാരുടെ ജീവന് പന്താടുന്നു; സംസ്ഥാനത്തെ വിഐപികള്ക്ക് ഓടുന്ന അകമ്പടി വാഹനങ്ങള് വര്ഷങ്ങളുടെ പഴക്കമുള്ളവ
സംസ്ഥാനത്തെ വിഐപികള്ക്ക് ഓടുന്ന അകമ്പടി വാഹനങ്ങള് വര്ഷങ്ങളുടെ പഴക്കമുള്ളവ. അതില് സഞ്ചരിക്കുന്ന പോലീസുകാര് പലപ്പോഴും ഭാഗ്യം കൊണ്ടു മാത്രമാണ് രക്ഷപ്പെടാറുള്ളതെന്നും റിപ്പോര്ട്ട്.
പോലീസ് വാഹനങ്ങളാണ് പലപ്പോഴും വിഐപികള്ക്ക് അകമ്പടി പോകാറുള്ളത്. ഇതില് 15 ലധികം വര്ഷം പഴക്കമുള്ള ഷെവര്ലെ വാഹനങ്ങളാണ് അധികവും. അകമ്പടി വാഹനങ്ങളായി ബൊലേറോ ജീപ്പ് ഉണ്ടെങ്കിലും കേന്ദ്രസംസ്ഥാന മന്ത്രിമാര്ക്കാണ് നല്കാറുള്ളത്. രൂക്ഷമായ വാഹന ക്ഷാമം നേരിടുന്ന പോലീസില് അകമ്പടിക്ക് നല്കാന് വാഹനങ്ങള് ഇല്ലെന്നതാണ് വാസ്തവം.
പല വാഹനങ്ങളിലും ബ്രേക്ക് പോലും ശരിയല്ല. പുതിയ വി ഐ പി വാഹനങ്ങള് അമിതവേഗതയില് വരുമ്പോള് അതിനൊപ്പമെത്താന് അകമ്പടി വാഹനത്തിലുള്ളവര് പെടാപാട് പെടും. അതിന്റെ ഫലമായി അമിത വേഗത സ്വാഭാവികമായി വന്നു ചേരും. ഇങ്ങനെയാണ് അപകടങ്ങള് തുടര്കഥയാകുന്നത്. നേരത്തെയും അകമ്പടി വാഹനങ്ങള് അപകടത്തില് പെട്ടിട്ടുണ്ട്. മരിച്ച പ്രവീണിന്റെ ഭാര്യ ആത്മഹത്യാ ശ്രമത്തെ തുടര്ന്ന് ആശുപത്രിയിലാണ്.
സി പി എം സംസ്ഥാന സെക്രട്ടറി കോടിയേരിക്ക് അകമ്പടി പോയ പോലീസ് വാഹനം അപകടത്തില് പെട്ട് പോലീസുകാരന് മരിച്ചതോടെ കോടിയേരിക്ക് എങ്ങനെയാണ് പോലീസ് എസ്കോര്ട്ട് നല്കുന്നത് എന്ന ചോദ്യവും സാമൂഹ്യ മാധ്യമങ്ങളില് സജീവമാകുന്നു.
കോടിയേരി കേരളത്തിന്റെ മുന് ആഭ്യന്തര മന്ത്രി മാത്രമാണ്. അദ്ദേഹം എം എല് എ അല്ല. എന്നിട്ടും അദ്ദേഹത്തിന് എസ് കോര്ട്ട് ലഭിച്ചു. ഒരു പക്ഷേ കേരളത്തിലെ ഒരു മന്ത്രിക്ക് പോലും എളുപ്പത്തില് എസ്കോര്ട്ട് ലഭിക്കില്ല.
അപകടത്തില് മരിച്ച പോലീസുകാരനല്ല വാഹനം ഓടിച്ചതെന്ന് പരക്കെ സംസാരമുണ്ട്. അദ്ദേഹം മുന് സീറ്റില് ഇരിക്കുകയായിരുന്നത്രേ. എസ്കോര്ട്ട് വാഹനത്തില് ഉണ്ടായിരുന്ന കൂടുതല് പേര്ക്ക് പരിക്കുണ്ടെന്നും റിപ്പോര്ട്ടുണ്ട്.
തിരുവനന്തപുരത്ത് നിന്നാണ് എസ്കോര്ട്ട് വാഹനം കോടിയേരിക്ക് അകമ്പടി പോയത്. പരുമലയില് നിന്നും മടങ്ങുമ്പോള് പൊടിയാടി ജംഗ്ക്ഷനിലായിരുന്നു അപകടം. മരിച്ച പ്രവീണ് സജീവ സി പി എം പ്രവര്ത്തകനാണ്.
അമിതവേഗതയാണ് അപകട കാരണമെന്ന് പറയുന്നുണ്ട്. എസ്കോര്ട്ട് വാഹനങ്ങള് അമിതവേഗതയിലാകുന്നതിനെ കുറ്റം പറയാനാവില്ല. കാരണം വിഐപികള് എപ്പോഴും അമിത വേഗതയാലായിരിക്കും. എസ്കോര്ട്ട് വാഹനങ്ങള് ഒപ്പമെത്തിയില്ലെങ്കില് ദേഷ്യം വരുന്ന വി ഐ പി മാരും നിരവധിയുണ്ട്. പിണറായി അധികാരം ഏറ്റെടുത്തപ്പോള് എസ്കോര്ട്ട് പരിമിതപ്പെടുത്തുമെന്ന് പ്രസ്താവന ഇറക്കിയിരുന്നു. എന്നാല് ഒരു പരിമിതിയും ഉണ്ടായിട്ടില്ല.
https://www.facebook.com/Malayalivartha
