സോളറില് ഉമ്മന്ചാണ്ടിക്കെതിരെ ബലാല്സംഗ കേസെടുത്താന് എഫ്.ഐ.ആര് റദ്ദാക്കപ്പെടാമെന്ന് ജസ്റ്റിസ് അരിജിത് പസായത്ത്
സോളാര്കേസില് മുന്മുഖ്യമന്ത്രി ഉമ്മന്ചാണ്ടിയെ പൂട്ടാനിറങ്ങിയ മുഖ്യമന്ത്രി പിണറായി വിജയന് പണികിട്ടി. ഉമ്മന്ചാണ്ടി അടക്കമുള്ള യു.ഡി.എഫ് നേതാക്കള്ക്കെതിരെ തിടുക്ക പെട്ടെന്ന് ബലാല്സംഗ കേസ് എടുക്കാന് കഴിയില്ലെന്ന് ജസ്റ്റിസ് അരിജിത് പസായത്ത് നിയമോപദേശം നല്കി. പ്രമുഖര്ക്കെതിരെയുള്ള കേസായതിനാല് കരുതലോടെ വേണം നിയമനടപടികള്. കേസെടുത്താല് എഫ്.ഐ.ആര് ഉള്പ്പെടെ റദ്ദാക്കപ്പെടാമെന്ന് സര്ക്കാറിന് നല്കിയ നിയമോപദേശത്തില് വ്യക്തമാക്കുന്നു. അതിനാല് കമ്മിഷന് റിപ്പോര്ട്ടിന്റെ അടിസ്ഥാനത്തില് എല്ലാ കാര്യങ്ങളിലും പ്രാഥമിക അന്വേഷണം നടത്തണം. എന്നിട്ട് അതിനനുസരിച്ച് കേസുകള് ചാര്ജ്ജ് ചെയ്യണം. അതേസമയം അഴിമതിക്കേസുകള് തുടരാമെന്നും നിയമോപദേശത്തില് പറയുന്നു.
ബലാല്സംഗ കേസെടുത്താല് ഉഭയകക്ഷിസമ്മതപ്രകാരമുള്ള ലൈംഗിക ബന്ധമാണെന്ന് വ്യാഖ്യാനിക്കപ്പെടാമെന്നും ജസ്റ്റിസ് അരിജിത്ത് പസായത്ത് സര്ക്കാരിനെ അറിയിച്ചു. ഇതോടെ ഉമ്മന്ചാണ്ടി അടക്കമുള്ളവര്ക്കെതിരെ പെട്ടെന്ന് കേസെടുക്കാന് കഴിയില്ല. പിണറായി സര്ക്കാരിന് രാഷ്ട്രീയമായി ഇത് വലിയ തിരിച്ചടിയാണ്. നടപടിക്രമങ്ങള് അവധാനതയോടെയായിരുന്നില്ലെന്ന് പല സി.പി.എം നേതാക്കളും ഘടകക്ഷിനേതാക്കളും ആരോപിക്കുന്നുണ്ട്. എന്നാല് ഒന്പതിന് നിയമസഭ ചേരുമ്പോള് ഭരണപക്ഷവും പ്രതിപക്ഷവും തമ്മില് നല്ല രാഷ്ട്രീയ പോര് നടക്കുമെന്ന് ഉറപ്പാണ്. പ്രതിപക്ഷത്തിന് രണ്ട് ആയുധങ്ങളാണ് കിട്ടിയിരിക്കുന്നത്. ഒന്ന് സോളാര് റിപ്പോര്ട്ട് ഉപയോഗിച്ച് ഉമ്മന്ചാണ്ടി അടക്കമുള്ള മുതിര്ന്ന നേതാക്കളോട് രാഷ്ട്രീയ പക പോക്കാന് സര്ക്കാര് ശ്രമിച്ചു, രണ്ട് കായല് കയ്യേറിയെന്ന് കളക്ടര് കണ്ടെത്തിയിട്ടും കോടതി വിമര്ശനം ഉണ്ടായിട്ടും ഗതാഗത മന്ത്രി തോമസ് ചാണ്ടിയെ തുടരാന് മുഖ്യമന്ത്രി അനുവദിക്കുന്നു.
എന്നാല് കമ്മിഷന് റിപ്പോര്ട്ടില് സരിത എസ് നായര് യു.ഡി.എഫ് നേതാക്കളെ കുറിച്ച് ആരോപിക്കുന്ന, ലൈംഗിക പീഡന കാര്യങ്ങള് തുറന്ന് കാട്ടി പ്രതിരോധം തീര്ക്കാനായിരിക്കും ഭരക്ഷക്ഷി ശ്രമിക്കുക. ഇതിനുള്ള തയ്യാറെടുപ്പുകള് തുടങ്ങിയിട്ടുണ്ട്. കമ്മിഷന് റിപ്പോര്ട്ട് നിയമസഭയില് വയ്ക്കുന്ന ദിവസം എല്ലാ മാധ്യമങ്ങള്ക്കും സഭാ നടപടികള് ലൈവായി സംപ്രേഷണം ചെയ്യാമെന്ന് സര്ക്കാര് തീരുമാനിച്ചിട്ടുണ്ട്. അതുപോലെ റിപ്പോര്ട്ടിന്റെ കോപ്പി സര്ക്കാര് വെബ്സൈറ്റില് പ്രസിദ്ധീകരിക്കും. ഇതിലൂടെ പ്രതിപക്ഷത്തിനെതിരായ ലൈംഗിക അപവാദങ്ങള് കൂടുതല് ജനങ്ങളിലെത്തിക്കുകയാണ് സര്ക്കാര് ലക്ഷ്യം വയ്ക്കുന്നത്.
https://www.facebook.com/Malayalivartha
