ആട്ടിന് തോലിട്ട ചെന്നായെ പൊളിച്ചടുക്കി പോലീസ്... ഉദയഭാനുവിന്റെ ക്രിമിനല് ബുദ്ധി കേരള പോലീസിനോട് വേണ്ട, ചാനലുകളും മാധ്യമങ്ങളും ഉദയഭാനുവിനെ ഭയപ്പെടുന്നുവോ..?
ഉദയഭാനുവിന്റെ ക്രിമിനല് ബുദ്ധി കേരളത്തിന്റെ മിടുക്കരായ പോലീസ് പൊളിച്ചടുക്കുമോ. പണക്കൊഴുപ്പിലും സ്വാധീനത്തിലും വരാലുപോലെ വഴുതിയ ക്രിമിനല് കേരളത്തിന്റെ മനസാക്ഷിയെ ചാനല് ചര്ച്ചകളില് ഇന്നലെ വരെ പരിഹസിച്ചു.
ഇന്ന് കുനിഞ്ഞ മുഖത്തോടെ പോലീസ് കസ്റ്റഡിയില് നില്ക്കുമ്പോള് ചാനലുകള്ക്കും പത്രങ്ങള്ക്കും ഈ വാര്ത്ത അര്ഹിക്കുന്ന പ്രാധാന്യത്തോടെ അവതരിപ്പിക്കാന് മടി. ഇന്നലെവരെ അവരുടെ വക്താവായി നീതിയും ന്യായവും പ്രസംഗിച്ച ഇയാള് കേരളത്തിനിന്നപമാനം. വസ്തു ഇടപാടുകാരന് അങ്കമാലി നായത്തോട് സ്വദേശി വി.എ. രാജീവ് കൊല്ലപ്പെട്ട കേസില് അറസ്റ്റിലായ ക്രിമിനല് അഭിഭാഷകന് സി.പി. ഉദയഭാനുവിനെ വീണ്ടും ഇരിങ്ങാലക്കുട സബ് ജയിലിലേക്ക് മാറ്റി.
വ്യാഴാഴ്ച രാവിലെ വരെ പൊലീസ് കസ്റ്റഡിയില് വിട്ടുകിട്ടിയ ഉദയഭാനുവിനെ തെളിവെടുപ്പും ചോദ്യം ചെയ്യലും പൂര്ത്തിയാക്കി ബുധനാഴ്ച വൈകീട്ടുതന്നെ ജയിലില് എത്തിക്കുകയായിരുന്നു. ബുധനാഴ്ച വൈകീട്ട് 4.45 വരെ ചാലക്കുടി ഡിവൈ.എസ്.പി ഓഫിസില് ചോദ്യം ചെയ്യല് തുടര്ന്നു. തുടര്ന്ന് ചാലക്കുടി ഒന്നാം ക്ലാസ് ജുഡീഷ്യല് മജിസ്ട്രേറ്റ് കോടതിയില് ഹാജരാക്കി. ആറോടെയാണ് ജയിലില് എത്തിച്ചത്.
ബുധനാഴ്ച പുറത്ത് തെളിവെടുപ്പിന് കൊണ്ടുപോയില്ല. ചൊവ്വാഴ്ച പാലക്കാട് മുതലമടയില് തെളിവെടുപ്പിന് കൊണ്ടുപോയപ്പോള് ലഭ്യമായ വിവരങ്ങളടക്കം ഉള്പ്പെടുത്തി ചോദ്യം ചെയ്തു. ചോദ്യംചെയ്യലുമായി ഉദയഭാനു നിസ്സഹകരണം തുടരുന്നുവെന്നാണ് അന്വേഷണ സംഘം നല്കുന്ന സൂചന.
കൊലപാതകവുമായി ബന്ധിപ്പിക്കുന്ന ചോദ്യങ്ങളില്നിന്ന് അദ്ദേഹം ഒഴിഞ്ഞുമാറി. അതേസമയം, ശാസ്ത്രീയമായ തെളിവുകളടക്കം നിരത്തി ചോദ്യം ചെയ്തപ്പോള് ചില കാര്യങ്ങള് സമ്മതിക്കേണ്ടിവരുകയും ചെയ്തു. കൊലപാതകത്തില് അദ്ദേഹത്തിനുള്ള പങ്ക് സമഥിക്കാന് വേണ്ട വിവരങ്ങള് ലഭ്യമായിട്ടുണ്ടെന്നാണ് അന്വേഷണ സംഘം പറയുന്നത്.
ഈമാസം 16 വരെയാണ് ഉദയഭാനുവിെന്റ റിമാന്ഡ്. ഉന്നത നിയമ വിധക്തരും രാഷ്ട്രീയ നേതാക്കളും ഇപ്പോഴും രഹസ്യമായി ഇയാളെ പിന്തുണക്കുന്നു. പോലീസിനുമേല് സമ്മര്ദം ചെലുത്തുന്നു. ആട്ടിന് തോലിട്ട ചെന്നായെ പൊളിച്ചടുക്കുമെന്നു ജനം പ്രതീക്ഷിക്കുന്നു.
https://www.facebook.com/Malayalivartha
