214 സാക്ഷികളെ വിസ്തരിച്ചും 812 രേഖകള്‍ പരിശോധിച്ചും ജസ്റ്റിസ് ശിവരാജന്‍ കമ്മിഷന്‍ തയ്യാറാക്കിയ സോളാര്‍ റിപ്പോര്‍ട്ട് പുറത്ത് വന്നതോടെ തലയില്‍ മുണ്ടിട്ട് നടക്കേണ്ട ഗതികേടിലായി മുന്‍മുഖ്യമന്ത്രി ഉമ്മന്‍ചാണ്ടി അടക്കമുള്ള യു.ഡി.എഫ് നേതാക്കളും ഐ.ജി പത്മകുമാറിനെ പോലുള്ള ചില ഉദ്യോഗസ്ഥരും. മുന്‍മുഖ്യമന്ത്രി ഉമ്മന്‍ ചാണ്ടിക്കെതിരെ രൂക്ഷ വിമര്‍ശനമാണ് സോളാര്‍ കമീഷന്‍ റിപ്പോര്‍ട്ടില്‍ ഉന്നയിച്ചിരിക്കുന്നത്. സരിതയുടെ കത്തില്‍ ഉള്‍പ്പെട്ട എല്ലാവരുടെയും പേരില്‍ കേസെടുക്കണമെന്നും കമ്മീഷന്‍ ശുപാര്‍ശ ചെയ്തു. ആരോപണം ഉയര്‍ന്നവരുമായി സരിത നിരന്തരം ബന്ധപെട്ടതിനും തെളിവുണ്ട് .

മുഖ്യമന്ത്രി എന്ന നിലയിലുള്ള പദവി ഉമ്മന്‍ചാണ്ടി ദുരുപയോഗം ചെയ്‌തെന്നും കമ്മീഷന്‍ കണ്ടെത്തി. രണ്ട് കോടി 16 ലക്ഷം രൂപ സോളാര്‍ കമ്പനിയില്‍ നിന്ന് ഉമ്മന്‍ചാണ്ടി വാങ്ങിയതായും റിപ്പോര്‍ട്ടില്‍ പറയുന്നു. പണം കൈമാറിയത് കഌഫ്ഫൗസില്‍ വച്ചാണ്. തോമസ് കുരുവിളയും ചാണ്ടി ഉമ്മനും 50 ലക്ഷം രൂപ സരിതയില്‍ നിന്ന് കൈപ്പറ്റി. ഉമ്മന്‍ചാണ്ടിയും സ്റ്റാഫ് അംഗങ്ങളും സോളാര്‍ കമ്പനിയെ സഹായിച്ചതായും റിപ്പോര്‍ട്ടില്‍ പറയുന്നു. അഴിമതി നിരോധന നിയമപ്രകാരം കേസെടുക്കാനാണ് ശുപാര്‍ശ.

മുന്‍മന്ത്രി ആര്യാടന്‍ മുഹമ്മദിനും കമ്പനിയെ സഹായിച്ചതില്‍ പങ്കെന്നും കമീഷന്‍ കണ്ടെത്തി. ആര്യാടന്‍ മുഹമ്മദും ലൈംഗികപീഡനം നടത്തി. ആര്യാടന്‍ മുഹമ്മദ് 25 ലക്ഷം രൂപ സരിതയില്‍ നിന്നും കൈപറ്റിയെന്നും റിപ്പോര്‍ട്ടില്‍ പറയുന്നു. എപി അനില്‍ കുമാര്‍ സരിതയെ ഔദ്യോഗിക വസതിയായിരുന്ന റോസ് ഹൗസില്‍ വെച്ചും കൊച്ചിയിലെ ലേമെറിഡിയന്‍ ഹോട്ടലില്‍ വെച്ചും പലതവണ ബലാല്‍സംഗം ചെയ്‌തെന്നും അദ്ദേഹത്തിന്റെ സെക്രട്ടറി നസറുള്ള വഴി ഏഴ് ലക്ഷം രൂപ കൈപ്പറ്റിയെന്നും റിപ്പോര്‍ട്ടിലുണ്ട്. മുന്‍മന്ത്രി അടൂര്‍പ്രകാശും ലൈംഗികമായി പീഡിപ്പിച്ചു. ബംഗളൂരുവിലെ ഹോട്ടലില്‍ വെച്ചായിരുന്നു പീഡനം. മാത്രമല്ല രാത്രികാലങ്ങളില്‍ വിളിച്ച് ഫോണ്‍ സെക്‌സില്‍ ഏര്‍പ്പെടുക പതിവായിരുന്നെന്നും റിപ്പോര്‍ട്ടില്‍ വ്യക്തമാക്കുന്നു. കൂടാതെ നിരന്തരം അശ്ലീല മെസേജുകളും അയച്ചിരുന്നു.

ഹൈബി ഈഡന്‍ എംഎല്‍എ കേസുകള്‍ ഒത്തുതീര്‍പ്പാക്കാന്‍ സരിതയെ സഹായിച്ചു. തിരുവനന്തപുരത്തെ എം.എല്‍.എ ഹോസ്റ്റലില്‍ വെച്ചും എറണാകുളത്തെ ഗസ്റ്റ് ഹൗസില്‍ വെച്ചും ലൈംഗികമായി പീഡിപ്പിച്ചു. മുന്‍ കേന്ദ്രമന്ത്രി കെസി വേണുഗോപാലിനെ കാണാന്‍ സരിത ആദ്യം ചെന്നപ്പോള്‍ അവരുടെ പിന്‍ഭാഗത്ത് കൈ കൊണ്ട് അമര്‍ത്തി. എന്നിട്ട് മൃദുവായിരിക്കുന്നു എന്ന് മെസേജ് അയച്ചു. സരിത ഫോണിലൂടെ ദേഷ്യപ്പെട്ടപ്പോള്‍ ഇപ്പോഴും എനിക്ക് സ്‌നേഹം മാത്രമേ ഉള്ളെന്ന് പറഞ്ഞു. മന്ത്രി എ.പി അനില്‍കുമാറിന്റെ ഔദ്യോഗിക വസതിയായ റോസ് ഹൗസില്‍ വെച്ച് ബലാല്‍സംഗം ചെയ്തു. 

കേന്ദ്രധനകാര്യ സഹമന്ത്രിയായിരുന്ന പളനിമാണിക്യം ടീംസോളാറിന്റെ ആദായനികുതി പ്രശ്‌നങ്ങള്‍ പരിഹരിക്കാമെന്ന് പറഞ്ഞ് സരിതയില്‍ നിന്ന് 25 ലക്ഷം രൂപ കൈക്കൂലി വാങ്ങി. പിന്നീട് ലൈംഗികമായി പീഡിപ്പിച്ചു. ജോസ് കെ മാണി എം.പി ഡല്‍ഹിയില്‍ വച്ച് വദനസുരതം നടത്തി.
പി.സി വിഷ്ണുനാഥ് സരിതയെ നിരവധി തവണ ഫോണില്‍ വിളിച്ചു . മോശം മെസേജുകള്‍ അയച്ചു . ഐ ജി പദ്മകുമാര്‍ കലൂരിലെ ഫളാറ്റില്‍ വെച്ച് പീഡിപ്പിച്ചു. കോഴിക്കോട്ടെ കോണ്‍ഗ്രസ് നേതാവ് എന്‍. സുബ്രമണ്യം ഹോട്ടലില്‍ പീഡിപ്പിച്ചു. മുന്‍ എംഎല്‍എ അബ്ദുള്ള കുട്ടി തിരുവനന്തപുരം മസ്‌ക്കറ്റ് ഹോട്ടലില്‍ വിളിച്ചുവരുത്തി പീഡിപ്പിച്ചു. കൊച്ചി സിറ്റി പൊലീസ് കമ്മിഷണറായിരുന്ന എം.ആര്‍ അജിത് കുമാര്‍ സരിതയുമായി ഫോണ്‍ സെക്‌സില്‍ ഏര്‍പ്പെട്ടിരുന്നെന്നും റിപ്പോര്‍ട്ടില്‍ പറയുന്നു.