ചാനല് ഷോകളില് താരങ്ങള്ക്ക് വിലക്കേര്പ്പെടുത്താന് നീക്കം
ദിലീപിനെതിരെ ആഘോഷമാക്കിയ ചാനുകളെയെല്ലാം വെട്ടിലാക്കി ഫിലിം ചേംബറിന്റെ നീക്കം. താരങ്ങളെത്തുന്നതോടെ വന് സമ്പാദ്യം കൊയ്യുന്ന ഷോകള്ക്കെല്ലാം കടിഞ്ഞാണിടാനുള്ള നീക്കത്തിലാണ് ഫിലിം ചേംബര്. താരങ്ങളെ പങ്കെടുപ്പിച്ച് ചാനലുകള് നടത്തുന്ന ഷോകള്ക്ക് യാതൊരുവിധ സത്യവുമില്ലെന്നാണ് ചേംബറിന്റെ വിലയിരുത്തല്. അവാര്ഡ് നിശകളുടെ മറവില് ചാനലുകളെ തിന്ന് കൊഴുക്കാന് സമ്മതിക്കാന് പാടില്ലെന്നാണ് അവരുടെ വാദം. എല്ലാത്തിനും പിറകില് ദിലീപിന്റെ ആള്ക്കാര് തന്നെയാണ്.
ഇന്ന് നടക്കുന്ന കൂടിയാലോചനായോഗത്തില് ഇതുസംബന്ധിച്ച് തീരുമാനമെടുക്കും. മാസങ്ങള്ക്ക് മുമ്പേ ചേംബര് ഇക്കാര്യം ആലോചിച്ചിരുന്നുവെങ്കിലും, എല്ലാവരുമായും ധാരണയിലെത്തിയത് കഴിഞ്ഞ ദിവസമായിരുന്നു.
കേരള ഫിലീം ചേംബറടക്കം ആറ് സംഘടനകളാണ് യോഗത്തില് പങ്കെടുക്കുക. താരങ്ങളെ പ്രതിനിധികരിച്ച് താരസംഘടനയായ അമ്മ, കേരള ഫിലീം പ്രോഡ്യൂസേഴ്സ് അസോസിയേഷന്, ഫിലീം ഡിസ്ട്രിബ്യൂട്ടേഴ്സ് അസോസിയേഷന്, കേരള ഫിലീം എക്സിബിറ്റേഴ്സ് ഫെഡറേഷന്, ഫിലീം എക്സിബിറ്റേഴ്സ് യുണൈറ്റഡ് ഓര്ഗനൈസേഷന് ഓഫ് കേരള എന്നീ സംഘടനകളാണ് യോഗത്തില് പങ്കെടുക്കുന്നത്. എല്ലാ സംഘടനകളുടേയും മുഖ്യ ഭാരവാഹികളോടും സഹ ഭാരവാഹികളോടുമാണ് യോഗത്തില് പങ്കെടുക്കാന് ആവശ്യപ്പെട്ടിരിക്കുന്നത്. അമ്മയെ പ്രതിനിധീകരിച്ച് പ്രസിഡന്റ് ഇന്നസെന്റും എക്സിക്യൂട്ടീവ് കമ്മിറ്റിയംഗം സിദ്ദീഖും സെക്രട്ടറി ഇടവേള ബാബുവും പങ്കെടുക്കും.
നടി ആക്രമിക്കപ്പെട്ട സംഭവത്തില് ദിലീപിനെതിരെ വാര്ത്തകള് വന്നുതുടങ്ങിയപ്പോള് തന്നെ ചില താരങ്ങള് ടെലിവിഷന് പരിപാടികളില് നിന്ന് മാറി നിന്നിരുന്നു. സിനിമ മേഖലയെ അപകര്ത്തിപ്പെടുത്തുന്ന തരത്തിലുള്ള വാര്ത്തകള് മാധ്യമങ്ങള് പടച്ചുവിടുകയാണെന്നായിരുന്നു ഒരു കൂട്ടം താരങ്ങളുടെ ആക്ഷേപം. പിന്നാലെ, അമ്മയുടെ ജനറല് ബോഡി മീറ്റിംങ്ങിന് ശേഷമുള്ള വാര്ത്ത സമ്മേളനത്തിനിടെ താരങ്ങള് കൂവിളിച്ച് മാധ്യമപ്രവര്ത്തകരെ അപമാനിക്കാനും ശ്രമം നടന്നിരുന്നു.
ഓണക്കാലത്ത് മിക്ക മാധ്യമങ്ങളില് നിന്നും താരങ്ങള് വിട്ടുനിന്നത് ഏറെ ചര്ച്ചകള്കള്ക്കും വഴിവെച്ചിരുന്നു. സാറ്റ്ലെറ്റ് അവകാശം വിറ്റ് പോകുന്നതാണ് സിനിമ നിര്മ്മാതാക്കളുടെ പ്രധാന വരുമാന മാര്ഗം. നേരത്തെ ഷൂട്ടിംങ് പൂര്ത്തിയാക്കുന്നതിന് മുമ്പ് തന്നെ ചാനലുകള് സാറ്റ്ലെറ്റ് റൈറ്റ് വാങ്ങിയിരുന്നെങ്കിലും കഴിഞ്ഞ ഏതാനം വര്ഷങ്ങളായി, തീയ്യറ്ററുകളിലെ പെര്ഫോമന്സ് അനുസരിച്ചാണ് ചാനലുകള് സിനിമകള് വാങ്ങാറ്. ഇതോടെ മിക്ക നിര്മ്മാതാക്കളും പ്രതിസന്ധിയിലായി. ഈ വര്ഷം ആകെ നാല്പത് സിനിമകളാണ് ചാനലുകള് വാങ്ങിയത്.
https://www.facebook.com/Malayalivartha
