ഹായ് എത്ര മനോഹര ഗാനം: കണ്ണൂരിന് താരകമല്ലോ... നാടിന് നെടുനായകയനല്ലോ....
കഴിഞ്ഞ ദിവസം നടന്ന സി.പി.എം സംസ്ഥാന സമിതിയില് കണ്ണൂര് ജില്ലാ സെക്രട്ടറി പി. ജയരാജനെതിരെ രൂക്ഷ വിമര്ശനത്തിന് പിന്നില് ഒരു ഗാനമെന്നാണ് സഖാക്കളുടെ അടക്കം പറച്ചില്. സഖാവ് പി ജയരാജനെ പുകഴ്ത്തിയുള്ള ആ ഗാനമാണ് അദേഹത്തിന് വീര പരിവേഷം നല്കിയെന്നാണ് ആരോപണം.
ജീവിതരേഖകയും പാട്ടുകളും പുറത്തിറക്കി ജയരാജന് സ്വയം മഹത്വവത്കരിക്കുന്നു എന്നാണ് സംസ്ഥാന സമിതിയുടെ വിമര്ശനം. എന്തായാലും വിവാദ വിഷയമായ ആ പാട്ട് ഇതാണ്.
പി.ജയരാജന് ധീരസഖാവ് എന്നു തുടങ്ങുന്ന ഗാനമാണിത്. ഒരു ബാലികയുടെ സ്വരത്തിലുള്ള പാട്ടിന് ആറ് മിനിറ്റ് ദൈര്ഘ്യമാണുള്ളത്. പി.ജയരാജന്റെ ജീവിതവും പ്രസംഗവും നിലപാടുകളുമൊക്കെയാണ് പാട്ടിലുള്ളത്. അദ്ദേഹത്തിന്റെ രാഷ്ട്രീയ ജീവിതത്തിലെ നിരവധി രംഗങ്ങളും വീഡിയോയില് ഉള്പ്പെടുത്തിയിട്ടുണ്ട്.
അതേസമയം സംസ്ഥാന സമിതി യോഗത്തില് നിന്ന് താന് ഇറങ്ങിപ്പോയിട്ടില്ലെന്ന് പി.ജയരാജന് കഴിഞ്ഞ ദിവസം പറഞ്ഞു. യോഗത്തില് ഉണ്ടായ വിമര്ശനം ഉള്ക്കൊള്ളുന്നു. അതുപ്രകാരമായിരിക്കും ഇനി പ്രവര്ത്തിക്കുകയെന്നും ജയരാജന് മാദ്ധ്യമങ്ങളോട് പറഞ്ഞു.
ഇറങ്ങിപ്പോയെന്ന തരത്തിലുള്ള വാര്ത്തകള് മാദ്ധ്യമ സൃഷ്ടി മാത്രമാണ്. എന്നെ വളര്ത്തിയ പാര്ട്ടിക്ക് എന്നെ വിമര്ശിക്കാനും അധികാരമുണ്ട്. ഉള്ക്കൊള്ളേണ്ട വിമര്ശനങ്ങള് ഉള്ക്കൊണ്ട് മുന്നോട്ട് പോവും. ഓരോ പ്രവര്ത്തകനും വിമര്ശനത്തിന് വിധേയനാവുന്നതിനോടൊപ്പം സ്വയം വിമര്ശനവും നടത്തണം. വിമര്ശനവും സ്വയംവിമര്ശനവും ഇല്ലെങ്കില് കമ്മ്യൂണിസ്റ്റ് പാര്ട്ടിയില്ല ജയരാജന് പറഞ്ഞു.
പാര്ട്ടി തീരുമാനിച്ച കാര്യങ്ങളാണ് കണ്ണൂര് ജില്ലാഘടകം നടപ്പാക്കുന്നത്. കണ്ണൂര് ജില്ലാ ഘടകത്തിന് മാത്രമായി പ്രത്യേകതയൊന്നും ഇല്ല. സംഗീത ആല്ബം തയ്യാറാക്കിയത് ജില്ലാ ഘടകമാണെന്നും ജയരാജന് പറഞ്ഞു.
https://www.facebook.com/Malayalivartha
